ચાલુ નોકરીએ સિક્યુરિટી ગાર્ડનું હાર્ટ એટેકથી મોત 

હાર્ટ એટેકથી મોતના બનાવો વધવાનો સિલસિલો યથાવત રહ્યો છે. ત્યારે રાજકોટમાં રહેતા અને ગોંડલમાં આવેલી ભાગ્યોદય ઓઇલ મિલમાં સિક્યુરિટી ગાર્ડ તરીકે નોકરી કરતાં પ્રૌઢનું હાર્ટ એટેકથી મોત થતાં પરિવારમાં અરેરાટી વ્યાપી છે.વિગતો મુજબ રાજકોટમાં કનક નગર રોડ પર રહેતા પ્રકાશભાઈ ગિરધરભાઈ મુરશિયા (ઉ.વ.54) ગઇકાલ સવારે ગોંડલમાં આવેલી ભાગ્યોદય ઓઇલ મિલમાં સિક્યુરિટી ગાર્ડ તરીકે નોકરી પર હતા.ત્યારે તેઓ બેભાન થઈ ઢળી પડતાં સાથી કર્મીઓએ તેમને 108 મારફત ગોંડલ બાદ રાજકોટ સારવાર માટે ખસેડયા હતા. અને અહી હાજર તબીબોએ તેઓને તપાસી મૃત જાહેર કર્યા હતા.અને હાર્ટ એટેક આવ્યાનું જણાવ્યું હતું.