દિલ્હી બાદ કયા રાજ્યમાં દારૂ કૌભાંડ બહાર આવ્યું ? જુઓ

દિલ્હીના દારૂના કૌભાંડ વિશે કોણ નથી જાણતું? આ મામલામાં દિલ્હીના મુખ્યમંત્રી અરવિંદ કેજરીવાલ અને પૂર્વ ઉપમુખ્યમંત્રી મનીષ સિસોદિયા સહિત ઘણા નેતાઓ તિહાર જેલમાં બંધ છે. આવા જ એક અન્ય રાજ્યમાં દારૂના કૌભાંડનો પર્દાફાશ થયો છે. જેના તાર આંધ્ર પ્રદેશ સાથે જોડાયેલા છે.
અહીંના નવા મુખ્યમંત્રી એન. ચંદ્રાબાબુ નાયડુએ આ મામલે શ્વેતપત્ર જારી કરીને તેની તપાસ એન્ફોર્સમેન્ટ ડિરેક્ટોરેટને સોંપી છે. કહેવામાં આવી રહ્યું છે કે 2019-24ની વચ્ચે જગન મોહન રેડ્ડી સરકાર દરમિયાન રાજ્યને અંદાજે 19 હજાર રૂપિયાનું નુકસાન થયું હતું.

આ વર્ષે વિધાનસભા ચૂંટણી બાદ રાજ્યમાં સત્તા પર આવેલા ચંદ્રમોહન બાબુ નાયડુએ અગાઉની સરકારની દારૂની નીતિની સમીક્ષા કરી તો તેમાં ઘણી ખામીઓ જોવા મળી. રાજ્ય પર અગાઉની સરકારની આ નીતિની આર્થિક અને સામાજિક અસર પણ નકારાત્મક હોવાનું જણાયું હતું. નાયડુએ કહ્યું કે આ રાજ્યનું ‘સૌથી મોટું કૌભાંડ’ છે, અને એ પણ કહ્યું કે આંધ્ર પ્રદેશ સરકારે એન્ફોર્સમેન્ટ ડિરેક્ટોરેટ દ્વારા આ કૌભાંડની તપાસ કરવાનો આદેશ આપ્યો છે.

નાયડુએ કહ્યું કે 2019-2024 સરકારે દારૂના વપરાશને ઘટાડવા માટે દરોમાં વધારો કર્યો, જેના કારણે બજારમાં તેમજ ગ્રાહકોમાં મૂંઝવણ સર્જાઈ. વધારાની છૂટક આબકારી જકાત અને અનુગામી સુધારાને કારણે દાણચોરી અને ગેરકાયદેસર દારૂના ઉત્પાદનમાં વધારો થયો. તેની અસર પડોશી રાજ્યોને ઘણો ફાયદો થયો. સ્થિતિ એવી હતી કે પડોશી રાજ્ય તેલંગાણાને 2019-24માં ₹42,762.15 કરોડની આવક મળી હતી, જે 2014-19માં ₹4,186.70 કરોડ હતી.
આરોપ ખોટા :જગન
સાથે જ જગન મોહન રેડ્ડીએ તેમના પર લાગેલા આરોપોનો જવાબ આપ્યો છે. તેમણે કહ્યું કે તેમની નીતિનો ઉદ્દેશ્ય ભાવમાં વધારો અને લોકોમાં દારૂનો વપરાશ ઘટાડવાનો છે. તેમણે કહ્યું કે તેમના 14 વર્ષના અગાઉના કાર્યકાળમાં નાયડુએ લગભગ 20 દારૂની ફેક્ટરીઓમાંથી 14ને મંજૂરી આપી હતી, જ્યારે તેમની સરકારે 2019 સુધી અસ્તિત્વમાં રહેલી એક પણ બેલ્ટ શોપ (અનધિકૃત દુકાન)ને મંજૂરી આપી ન હતી. સરકારી દુકાનો દ્વારા જ દારૂનું વેચાણ થાય તેની ખાતરી કરવામાં આવી હતી.