રણવીર શૌરી-કે.કે મેમન સ્ટારર “શેખર હોમ” વેબ સિરિઝનું ટ્રેલર રિલીઝ

સસ્પેન્સથી ભરેલી આ સિરીઝમાં બંને બન્યા છે જાસૂસ

બોલિવૂડના અનુભવી એક્ટર રણવીર શૌરી, કે.કે. મેમન અને રસિકા દુગ્ગલ સ્ટારર નવી વેબ સિરીઝ “શેખર હોમ”નું ટ્રેલર રિલીઝ કરી દેવામાં આવ્યું છે. સસ્પેન્સથી ભરેલી આ સિરીઝમાં રણવીર અને કે.કે. જાસૂસ બન્યા છે. હાલમાં તમે રણવીર શૌરીને બિગ બોસ ઓટીટી સિઝન-3માં જોઈ રહ્યા છો. પરંતુ 14 ઓગસ્ટે તમે રણવીર શૌરીને નવી વેબ સિરીઝમાં જાસૂસના પાર્ટનર કમ આસિસ્ટન્ટના પાત્રમાં જોશો.

નવી વેબ સિરીઝ “શેખર હોમ”ના ટ્રેલરમાં કોલકાતા જોવા મળે છે. કે.કે. મેમન જે પોતાને જાસૂસ કહે છે, તે જોઈને જ જાણી જાય છે કે કોણ ખોટુ બોલે છે, કોણે રહસ્યો છુપાવ્યા છે. તેનો સાથ આપવા માટે રણવીર શૌરી પણ આવી જાય છે પરંતુ રસિકા દુગ્ગલ આ બંનેના રસ્તામાં તો નહી આવે ને ? 1 મિનિટ 35 સેકન્ડના સસ્પેન્સથી ભરેલું આ ટ્રેલર ખૂબ જ શાનદાર છે.

આ વેબ સિરિઝનું ડાયરેક્શન શ્રીજીત મુખર્જી અને રોહન સિપ્પીએ મળીને કર્યું છે. વાર્તા અનિરુદ્ધ ગુહા, વૈભવ વિશાલ અને નિહારિકા પૂરીએ લખી છે. આ શોમાં કીર્તિ કૂલ્હારી પણ જોવા મળશે. તમે આ સિરિઝને જીયો સિનેમા એપ પર જોઈ શકો છો. તેના માટે તમારે સબ્સક્રિપ્સન લેવું પડશે જે રૂ.29થી શરૂ થાય છે. આ સિરીઝ 14 ઓગસ્ટે સ્ટ્રીમ થવાની છે.