લગ્નની સિઝન પહેલા સોનાનો ભાવ વાંચો કેટલો વધ્યો

લગ્નની સીઝન નજીક આવી રહી છે ત્યારે જ સોના ચાંદીના ભાવમાં ઉછાળો આવ્યો છે. અને મલ્ટી કોમોડિટી એક્સચેન્જ પર સોનું અને ચાંદી બંને લીલા રંગમાં ટ્રેડ થઈ રહ્યા છે.સ્થાનિક માર્કેટમાં આજે ૨૪ કેરેટ સોનાનો ભાવ ૬૨૦૨૦ અને ૨૨ કેરેટ સોનાનો ભાવ ૫૬૮૫૦ રૂપિયા હતો. જયારે ચાંદીનો ભાવ ૭૨,૮૩૪ બોલાતો હતો.

વાયદા બજારમાં સોનુ 60,805 રૂપિયા પ્રતિ 10 ગ્રામના ભાવે ખુલ્યું હતું આ પછી, તેની કિંમતમાં વધુ વધારો જોવા મળ્યો હતો. અને તે ગઈકાલની તુલનામાં રૂ. 380 એટલે કે 0.63 ટકાના જંગી વધારા સાથે આજે સવારે રૂ. 61,037 પ્રતિ ગ્રામ પર ટ્રેડ કરી રહ્યો હતો. ગઈ કાલે મલ્ટી કોમોડિટી એક્સચેન્જમાં સોનું રૂ. 60,657 પર જોવા મળ્યું હતું.

સોના ઉપરાંત આજે ચાંદી પણ મલ્ટી કોમોડિટી એક્સચેન્જ પર જોરદાર ઉછાળા સાથે કારોબાર કરી રહી છે. ચાંદી રૂ.72,644 પ્રતિ કિલોના સ્તરે ખુલી હતી. આ પછી, તેની કિંમતમાં વધુ વધારો જોવા મળ્યો છે અને હાલમાં તે ગઈકાલની સરખામણીમાં 617 રૂપિયા એટલે કે 0.85 ટકાના વધારા સાથે 73,261 રૂપિયા પ્રતિ કિલોગ્રામ પર પહોંચી ગયો છે. સોમવારે ચાંદી 72,644 રૂપિયા પ્રતિ કિલોગ્રામ પર બંધ હતી.

આજે આંતરરાષ્ટ્રીય બજારોની સાથે ભારતીય બજારોમાં પણ સોના અને ચાંદીના ભાવમાં વધારો જોવા મળી રહ્યો છે. મેટલ રિપોર્ટ અનુસાર, આજે સોનું આંતરરાષ્ટ્રીય બજારમાં 0.67 ટકાના વધારા સાથે $1,990.80 પ્રતિ ઔંસના સ્તરે છે. તે જ સમયે, ચાંદીમાં પણ વધારો ચાલુ છે અને તે ગઈકાલની સરખામણીમાં 0.65 ટકાના વધારા સાથે $23.770 પ્રતિ ઔંસ પર છે.