ધરાર લગ્ન કરવા અને શારીરિક સંબંધ બાંધવા દબાણ: સાયબર ક્રાઇમમાં ગુનો નોંધાયો
રાજકોટમાં રહેતી એક એનજીઓ સંચાલક મહિલાને સુરત રહેતા ફેસબૂક ફ્રેન્ડે ધરાર લગ્ન કરવા અને શારીરિક સંબંધ બાંધવા દબાણ કરતા મહિલાએ સંબધ તોડી નાખતા સોશિયલ મીડિયામાં અભદ્ર ટિપ્પણી અને પોસ્ટ કરી રાજકોટથી ઉપાડી જઇ કટકા કરી નાખવાની ધમકી આપતાં સાયબર ક્રાઇમ પોલીસે ગુનોનોંધી વધુ તપાસ શરૂ કરી છે.
રાજકોટના ઈશ્વરીયા ગામની મહિલાએ નોંધાવેલી પોલીસફરિયાદમાં ફેસબુક ફ્રેન્ડ સુરત રહેતાઅનીલ કાળુભાઈ માંગુકીયાનું નામ આપ્યું છે. એનજીઓ ચલાવતી મહિલાનો કેસબુક મારફત અનિલ સાથે સંપર્ક થયો હતો અને બંને મિત્રો બન્યા હતા. બાદમાં અનિલે પોતાની સાથે લગ્ન કરવા અથવા શારીરીક સંબંધ બાંધવા ફોન પર તથા ફેસબુક મેસેંજર પર અવાર-નવાર દબાણ કરતાં ફરિયાદી મહિલાએ આમ કરવાની ના પાડી સંબંધ તોડી નાખતા અનિલે ફેસબુક પર ફરિયાદી મહિલા વિરૂધ્ધની અભદ્ર પોસ્ટ તથા ટીપ્પણી કરી કરી હતી અને ફોન ઉપર ગાળો આપી રાજકોટથી ઉપાડી લઇ જઈ કટકા કરી જાનથી મારી નાખવાની ધમકી આપી હતી. સાયબર ક્રાઇમ પોલીસે વધુ તપાસ શરૂ કરી છે.
