ઉત્તર ગુજરાતથી કચ્છ સુધી જળાશયોમાં તળિયા દેખાયા, 76 જળાશયોમાં 25%થી ઓછું પાણી

રાજ્યમાં અપૂરતા વરસાદના કારણે જળાશયોમાં પાણીની ગંભીર અછત ઊભી થઈ છે, જેનાથી આગામી દિવસોમાં પીવાના અને સિંચાઈના પાણીનો પ્રશ્ન ગંભીર બનવાની દહેશત છે. ગત વર્ષની સરખામણીએ આ વર્ષે જળાશયોમાં જળસ્તરનું પ્રમાણ મોટા પ્રમાણમાં ઘટ્યું છે. રાજ્યના મોટાભાગના વિસ્તારોમાં ડેમો ખાલીખમ જોવા મળી રહ્યા છે, જેણે તંત્ર અને જનતા બંનેની ચિંતા વધારી દીધી છે.

છલોછલ ડેમોની સંખ્યામાં ભારે ઘટાડો

ગત વર્ષે 6 સપ્ટેમ્બર સુધી રાજ્યમાં 86 જળાશયો સંપૂર્ણ છલોછલ ભરાયેલા હતા, જ્યારે ચાલુ વર્ષે આ આંકડો ઘટીને માત્ર 20 પર પહોંચી ગયો છે. રાજ્યના કુલ 207 જળાશયોમાં હાલ સરેરાશ 74.89 ટકા જળસ્તર નોંધાયું છે. રીજિયન પ્રમાણે નજર કરીએ તો, સૌરાષ્ટ્રના 141 જળાશયોમાંથી માત્ર 12, દક્ષિણ ગુજરાતના 13માંથી 7 અને મધ્ય ગુજરાતના 17માંથી માત્ર 1 જળાશય સંપૂર્ણ ભરાયેલા છે, જ્યારે ઉત્તર ગુજરાત અને કચ્છમાં સ્થિતિ વધુ ચિંતાજનક છે.

આ પણ વાંચો: સોમવારની શરૂઆતે જ શેરબજારમાં ભારે ઉથલપાથલ: રોકાણકારોના કરોડો સ્વાહા

રીજિયનવાર જળસ્તરની સ્થિતિ અને ડેટા

ગુજરાતના વિવિધ રીજિયનોમાં ગત વર્ષ (2025) અને ચાલુ વર્ષ (2026) દરમિયાન નોંધાયેલા જળસ્તરની સરખામણી નીચે મુજબ છે:

સૌરાષ્ટ્રમાં 53.18%, ઉત્તર ગુજરાતમાં 42.64% અને કચ્છમાં તો માત્ર 23.88% જળસ્તર બચ્યું છે.

76 જળાશયોમાં પાણીનું સ્તર 25% થી પણ ઓછું

ખાસ કરીને સૌરાષ્ટ્ર, ઉત્તર ગુજરાત અને કચ્છમાં જળસંકટ ગંભીર સ્વરૂપ ધારણ કરી રહ્યું છે. સૌરાષ્ટ્રમાં સરેરાશ 53.18 ટકા, ઉત્તર ગુજરાતમાં 42.64 ટકા અને કચ્છમાં માત્ર 23.88 ટકા જળસ્તર બચ્યું છે. સૌથી ચિંતાજનક બાબત એ છે કે રાજ્યના કુલ 76 જળાશયો એવા છે જ્યાં પાણીનું સ્તર 25 ટકાથી પણ નીચું જતું રહ્યું છે. જોકે, આ મુશ્કેલ સમયમાં રાજ્યની જીવાદોરી સમાન સરદાર સરોવર (નર્મદા) ડેમ 90.31 ટકા ભરાયેલો હોવાથી રાહતનો શ્વાસ લઈ શકાય તેમ છે.

ગુજરાતમાં અપૂરતા વરસાદને કારણે જળાશયોની ઘટેલી સપાટી આગામી સમય માટે મોટો પડકાર બની શકે છે. ખાસ કરીને ગ્રામીણ વિસ્તારો અને ખેડૂતો માટે સિંચાઈની સમસ્યા વિકટ બની શકે છે. જો સમયસર વૈકલ્પિક આયોજન અને પાણીના વિવેકપૂર્ણ ઉપયોગ અંગે પગલાં નહીં લેવાય, તો સ્થિતિ વધુ વણસી શકે છે.