કચ્છમાં અષાઢી બીજે માત્ર 3 મિનિટમાં ઉપરા ઉપરી આવ્યા ભૂકંપના બે આંચકા
એપી સેન્ટર ખાવડા બીજું કેન્દ્રબિંદુ ધોળાવીરા’ નજીક નીકળ્યું
કચ્છી નવા વર્ષ અષાઢી બીજના રોજ કચ્છમાં બપોરના સમયે ઉપરાઉપરી ધરતીકંપના બે આંચકા અનુભવાતા ધરા ધણધણી ઉઠતા લોકોમાં દોડધામ મચી ગઈ હતી. થોડીવાર ભયનો માહોલ થઇ પડ્યો હતો.
આ પણ વાંચો: કચ્છના નલિયા એરફોર્સ સ્ટેશન અંદર સર્વિસ રાઈફલથી જવાનનો આપઘાત
પ્રાપ્ત વિગતો અનુસાર, પ્રથમ ભૂકંપનો આંચકો બપોરે 2.20 કલાકે નોંધાયો હતો, જેની તીવ્રતા રિક્ટર સ્કેલ પર 3.6 હતી. આ ભૂકંપનું એપીસેન્ટર ખાવડા વિસ્તારની નજીક હોવાનું જાણવા મળ્યું છે. ત્યાં ફરી માત્ર ૩ મિનિટના અંતરે 2.23 કલાકે વધુ એક આંચકો ૩.2 તીવ્રતાનો આવતા આવતા મિલકતો ધરતી ધણધણી હતી. આ આંચકાનું કેન્દ્રબિંદુ કચ્છના ધોળાવીરા તરફ હોવાનું બહાર આવ્યું છે. બન્ને આંચકામાં કોઈ જાન-માલની નુકસાન થઇ ન હોવાનું જાણવા મળે છે. કચ્છના સંવેદનશીલ ભૌગોલિક વિસ્તારમાં વારંવાર આવતા ભૂકંપના આંચકાને લઈને સ્થાનિકોમાં ચિંતાનું મોજું ફરી વળ્યું છે.
