રેલવેના એસી કોચમાંથી 1.27 કરોડ બેડશીટ, ટુવાલ, ધાબળા અને ઓશિકા ચોરાઈ ગયા
-સૌથી વધુ ચોરી બિકાનેર, જોધપુર, જયપુર, રાંચી, દિલ્હી, મુંબઈ, અમદાવાદ, સોનપુર, દાનાપુર અને બિલાસપુર ડિવિઝનમાં
આજકાલ મંદિરોમાં દાનની ચોરીની ઘટનાઓ ઘણી ઉજાગર થઇ રહી છે ત્યારે આર.ટી.આઈ હેઠળ ટ્રેનમાં મુસાફરો દ્વારા કરવામાં આવતી ચોરીની રસપ્રદ વિગતો બહાર આવી છે. ભારતમાં ટ્રેનોનાં એ.સી.કોચમાં રોજના સરેરાશ ૮ લાખ લોકો મુસાફરી કરે છે અને દર હજાર મુસાફરે એક મુસાફર બેડરોલ પોતાના ઘરે લઈ જાય છે. રેલવે તંત્ર દ્વારા એ.સી.કોચમાં મુસાફરોને બે બેડશીટ, એક ધાબળો, એક ઓશીકું, એક ઓશીકાનું કવર અને એક ફેસ ટુવાલ (બેડરોલ) આપવામાં આવે છે. આ વિગતો રેલવેના જુદા જુદા ૬૯ વિભાગો સમક્ષ કરવામાં આવેલી આર.ટી.આઈ.નાં માધ્યમથી બહાર આવી છે.
જવાબોના વિશ્લેષણમાં જાણવા મળ્યું છે કે જાન્યુઆરી 2022 થી મે 2026 દરમિયાન જ્યારે કોવિડ-19 રોગચાળા પછી બેડરોલ સેવાઓ ફરી શરૂ થઈ ત્યારે ઓછામાં ઓછા 12.7 મિલિયન (1.27 કરોડ) બેડરોલ ચોરાઈ ગયા હતા.જાહેર કરાયેલા ડેટા દર્શાવે છે કે 2022 અને 2025 વચ્ચે ચોરીની ઘટનાઓમાં 56 ટકાનો વધારો થયો છે.
આ પણ વાંચો: તમિલનાડુમાં ગૌ હત્યા પ્રતિબંધ સામે સર્વોચ્ચ અદાલતે આપ્યો સ્ટે
RTI ડેટા એ પણ દર્શાવે છે કે ચોરીને કારણે બેડરોલ કોન્ટ્રાક્ટરોને ચાર વર્ષમાં આશરે ₹104.51 કરોડનું નુકસાન થયું છે. કોન્ટ્રાક્ટરો દ્વારા કાર્યરત કોચ એટેન્ડન્ટ્સ કહે છે કે ચોરીને કારણે થયેલ નુકસાન તેમના પગારમાંથી આવરી લેવામાં આવે છે.
રેલવે મંત્રાલયના પ્રવક્તાએ જણાવ્યું હતું કે આ મુદ્દો અત્યંત ગંભીર છે અને જવાબદારો સામે કાર્યવાહી કરવામાં આવશે. પ્રવક્તાએ ઉમેર્યું હતું કે રેલવેને ચોરીના કેસોમાં તેના પોતાના કર્મચારીઓની સંડોવણીના કોઈ પુરાવા મળ્યા નથી.
RTI ડેટા અનુસાર કુલ ચોરીની ઘટનાઓમાંથી 67 ટકા ઘટનાઓ સાત રેલવે ઝોનના 10 વિભાગોમાં બની છે. આમાં બિકાનેર, જોધપુર, જયપુર, રાંચી, દિલ્હી, મુંબઈ, અમદાવાદ, સોનપુર, દાનાપુર અને બિલાસપુરનો સમાવેશ થાય છે.
સૌથી વધુ ચોરાયેલી વસ્તુ-કિંમત
ફેસ ટુવાલ-46.54
બેડશીટ્સ-41.13
ઓશીકાના કવર-23.59
ધાબળાઓ-12.95
ઓશીકા-2.76
ક્યા ડિવિઝનમાં કેટલી ચોરી
બિકાનેર-25.76 લાખ વસ્તુઓ
રાંચી-9.31 લાખ
દિલ્હી-8.21 લાખ
મુંબઈ-8.17 લાખ
બેડરોલ વસ્તુઓની ચોરી
જોધપુર – 8.09 લાખ
અમદાવાદ – 6.94 લાખ
દાનાપુર -5.72 લાખ
કેટલા ટુવાલ ચોરાયા
દિલ્હી-4.78 લાખ
રાંચી-3.88 લાખ
મુંબઈ-3.57 લાખ
દાનાપુર-3.37 લાખ
અમદાવાદ-3.22 લાખ
જયપુર-2.52 લાખ
વસ્તુની કિંમત-રૂપિયા
ઓશિકુ-૧૧૫
બેડશીટ-૧૯૮
ઓશિકાનું કવર-૫૫
ટુવાલ-૪૮
ધાબળા-૩૪૩
