સાંજે 7 વાગ્યા સુધી 8 જિલ્લામાં મેઘતાંડવ: હવામાન વિભાગનું રેડ એલર્ટ જાહેર
આગામી બે કલાકમાં એટલે કે સાંજના સાત વાગ્યા સુધીમાં ગુજરાતના 8 જિલ્લામાં ભારેથી અતિભારે વરસાદની આગાહી સાથે ભારતીય હવામાન વિભાગે રેડ એલર્ટ જાહેર કર્યું છે. પંચમહાલ, દાહોદ, છોટા ઉદેપુર અને દ્વારકા સહિત સૌરાષ્ટ્રના જામનગર, રાજકોટ, પોરબંદર અને જૂનાગઢ જિલ્લામાં ધોધમાર વરસાદ તૂટી પડવાની ચેતવણી આપવામાં આવી છે. તંત્રને સતર્ક રહેવા અને લોકોને સાવચેતી રાખીને જરૂર વગર ઘરની બહાર ન નીકળવા સૂચના આપવામાં આવી છે.
