‘Virosh’ Wedding’: હૈદરાબાદમાં યોજાશે રશ્મિકા મંદાના અને વિજય દેવેરકોંડાના લગ્નનું ભવ્ય રિસેપ્શન, મોદી-શાહને આમંત્રણ આપવા પહોંચ્યું કપલ
દક્ષિણ સિનેમાના સુપરસ્ટાર વિજય દેવેરકોંડા અને રશ્મિકા મંદાના આ દિવસોમાં પોતાની લગ્નને લઈને ખૂબ ચર્ચામાં છે. 26 ફેબ્રુઆરી 2026ના રોજ ઉદયપુરમાં ખાનગી સમારોહમાં સાત ફેરા લીધા બાદ હવે દંપતિ હૈદરાબાદમાં યોજાનાર ગ્રાન્ડ રિસેપ્શનની તૈયારીઓમાં વ્યસ્ત છે.
વિરોશ (ViRosh) તરીકે ઓળખાતું આ જોડું દિલ્હી પહોંચી દેશના પ્રખ્યાત રાજકીય નેતાઓને મળ્યું હતું. સોશિયલ મીડિયા પર તેમની અમિત શાહ સાથેની તસવીરો વાયરલ થઈ હતી. તેમણે 4 માર્ચે હૈદરાબાદમાં યોજાનાર રિસેપ્શન માટે આમંત્રણ આપ્યું.ત્યારબાદ દંપતિએ નરેન્દ્ર મોદી સાથે પણ મુલાકાત કરી. તસવીરોમાં તેઓ વડાપ્રધાન સાથે ઉષ્માભેર વાતચીત કરતાં જોવા મળે છે. આ પ્રસંગે વિજયે વડાપ્રધાનને પરંપરાગત શાલ અર્પણ કરી અને રિસેપ્શન કાર્ડ આપીને આશીર્વાદ લીધા.
The #VIROSH Jodi personal Invitation 🤩@TheDeverakonda & @iamRashmika personally met Hon'ble Prime Minister @narendramodiji invited for the grand reception in Hyderabad ❤️❤️✨#VijayDeverakonda #RashmikaMandanna #ViRoshWedding pic.twitter.com/Y23v5XduyD
— Vamsi Kaka (@vamsikaka) February 27, 2026
પીએમ મોદીએ રશ્મિકા અને વિજયને અભિનંદન આપ્યા
વડાપ્રધાન મોદીએ પણ રશ્મિકા અને વિજયને તેમના લગ્ન પહેલા સોશિયલ મીડિયા દ્વારા અભિનંદન આપ્યા હતા. તેમની પોસ્ટમાં, પ્રધાનમંત્રી નરેન્દ્ર મોદીએ લખ્યું, “માધવી અને ગોવર્ધન રાવ દેવરકોંડા જી, 26 ફેબ્રુઆરીના રોજ વિજય અને રશ્મિકાના લગ્ન સમારોહમાં તમારું આમંત્રણ મળતાં અમને ખૂબ આનંદ થયો છે. આ હાર્દિક અને શુભ પ્રસંગે દેવરકોંડા અને મંદાના પરિવારોને હાર્દિક અભિનંદન. આ વિજય અને રશ્મિકાના જીવનમાં એક નવા, સુંદર પ્રકરણની શરૂઆત દર્શાવે છે.”
Vijay Deverakonda and Rashmika Mandanna Invite PM Narendra Modi and Amit Shah to Grand Reception, Viral Photos Surface.#VijayDeverakonda #RashmikaMandanna #NarendraModi #AmitShah #WeddingReception #अरविंदकेजरीवाल #airstrike #ArvindKejriwal #मनीषसिसोदिया #earthquake pic.twitter.com/bP4Q98DMBg
— Vayam Bharat (@vayambharat) February 27, 2026
તેમણે આગળ લખ્યું, “વિજય અને રશ્મિકા બંને ફિલ્મ સ્ક્રિપ્ટ માટે નવા નથી. પરંતુ પ્રેમ અને સ્નેહથી ભરપૂર તેમના વાસ્તવિક જીવનનો આ દૈવી રીતે રચાયેલ પ્રકરણ, રૂપેરી પડદા પર તેમણે બનાવેલા જાદુને ચોક્કસપણે વટાવી જશે. તેઓ પ્રેમ અને સમજણ સાથે જવાબદારીઓ વહેંચે, એકબીજાની ખામીઓ સ્વીકારે, એકબીજાની શક્તિઓમાંથી શીખે અને સાચા સાથી તરીકે જીવનની સફર કરે. આ શુભ પ્રસંગે દંપતી અને તેમના પરિવારોને મારી શુભકામનાઓ. શુભેચ્છાઓ.” અહેવાલો અનુસાર, દક્ષિણ ઉપરાંત, બોલિવૂડ સેલિબ્રિટીઓ પણ રશ્મિકા અને વિજયના રિસેપ્શનમાં હાજરી આપે તેવી અપેક્ષા છે.
