ગુજરાતના 3 લાખ ખેડૂતોને PM કિસાનનો 22મો હપ્તો અટકશે? આધાર-ડેટા મિસમેચે વધારી ચિંતા,જાણો બેંક ખાતાને આધાર સાથે કેવી રીતે લિંક કરવું?
પ્રધાનમંત્રી કિસાન સમ્માન નિધિ યોજનાનો 22માં હપ્તાની રકમ ગુજરાતના 2.90 લાખ ખેડૂતો મળવાની સંભાવના ધૂંધળી બની છે. સરકારે હજી સત્તાવાર તારીખ જાહેરાત કરી નથી. પરંતુ જે ખેડૂતોએ પોતાના બેંક એકાઉન્ટને આધાર સાથે લિંક નથી કર્યું તેમને હપ્તો બેંક ખાતામાં જમા થશે નહી. દેશના લગભગ 30,18,361 ખેડૂતોએ 6 ફેબ્રુઆરી, 2026 સુધી તેમના બેંક ખાતાને આધાર કાર્ડ સાથે લિંક કર્યું નથી. ખેડૂતો માટે હજી પણ તક છે જો સત્વરે લીન્કઅપ કરવી લેશે તો 22 મો હપ્તો મળી શકશે.
સરકારી નિયમો અનુસાર, ડાયરેક્ટ બેનીફીટ ટ્રાન્સફરથી અપાતી રકમ માટે આધાર સીડિંગ અનિવાર્ય છે. બેંક એકાઉન્ટને આધાર સાથે લિંક ન કરનારા ગુજરાત રાજ્યના 2,90,358 ખેડૂતોનો સમાવેશ થાય છે. સૌથી વધુ ઉત્તર પ્રદેશમાં અદાજે 1044200 લાખ ખેડૂતોએ બેંક ખાતાને આધાર સાથે લિંક કર્યા નથી. રાજસ્થાનમાં 2,13,779 ખેડૂતોનો સમાવેશ થાય છે. મધ્ય પ્રદેશમાં 1,87,011, મહારાષ્ટ્રમાં 1,72,349 ખેડૂતોના ખાતા હજુ સુધી આધાર સાથે જોડાયા નથી. કર્ણાટકમાં 1,30,263 અને કેરળમાં 68,798, પશ્ચિમ બંગાળમાં 1,22,106, ઓડિશામાં 73,532 અને ઝારખંડમાં 53,083 ખેડૂતોએ તેમના ખાતા લિંક કરાવ્યા નથી.
આ પણ વાંચો:થર-થર કાંપશે પાકિસ્તાન: રશિયા પાસેથી 10000 કરોડના ખર્ચે 288 S-400 મિસાઇલ ખરીદશે ભારત,જાણો આ ડિલનું શું છે મહત્વ
કૃષિ મંત્રાલયે નિર્દેશ આપ્યા છે કે, જે ખેડૂતોના ડેટા બેંક અને આધાર સાથે મેચ નહીં થાય, તેમનો હપ્તો રોકી દેવામાં આવશે. આ પગલું યોજનામાં પારદર્શિતા લાવવા અને માત્ર પાત્ર લાભાર્થીઓ સુધી લાભ પહોંચાડવાના ઉદ્દેશથી લેવામાં આવ્યું છે.
બેંક ખાતાને આધાર સાથે કેવી રીતે લિંક કરવું?
ખેડૂતો તેમના બેંક ખાતાને આધાર સાથે જોડવા માટે ઓનલાઈન અથવા ઓફલાઈન કોઈપણ માધ્યમની પસંદગી કરી શકે છે. ઓનલાઈન લીંક કરવા માટે ખેડૂત બેંકના નેટબેંકિંગ અથવા મોબાઈલ એપમાં લોગીન કરીને ‘આધાર સીડિંગ’ અથવા ‘અપડેટ આધાર’ના વિકલ્પ પર જઈને વિગતો ભરી શકશે. કેટલીક બેંક UIDAI પોર્ટલ દ્વારા પણ આ સુવિધા આપે છે. ઓફલાઈન માટે જે બેંકમાં ખાતું હોય ત્યાં જઈને આધાર કાર્ડ અને પાસબુકની નકલ સાથે પૂર્ણ કરેલું આધાર લિંકિંગ ફોર્મ સબમિટ કરવાનું રહેશે. ઘણી બેંકો હવે SMS અથવા ATM દ્વારા આધાર લિંકિંગની સુવિધા આપે છે.
