રાજકોટમાં પ્રેમિકાનું સરનામું મેળવવા પ્રેમીએ તેના માતા-ભાઇનું કર્યું અપહરણઃ ગણતરીની કલાકોમાં આરોપીઓને દબોચ્યા

પ્રેમમાં ભાન ભૂલેલા પ્રેમીએ અમદાવાદ પરણેલી પ્રેમિકાનું સરનામું જાણવા ધોળા દિવસે રાજકોટના સાધુ વાસવાણી રોડ જનકપુરી ક્વાર્ટર નજીકથી યુવતીના માતા અને 14 વર્ષીય ભાઈનું કારમાં અપહરણ કર્યું હતું. જે બાદ યુનિવર્સિટી પોલીસ મથકના સ્ટાફે મોબાઈલ લોકેશન, સીસીટીવીની મદદથી આરોપીઓની કારનો પીછો કરી ગણતરીની કલાકોમાં જ ભાવનગર-રાજકોટ હાઇવે પર આવેલા ત્રંબા ગામ પાસેથી કારમાં સવારે ચાર આરોપીઓને દબોચી મા-દીકરાને સુરક્ષિત છોડાવ્યા હતા.

આ અંગેની વિગતો મુજબ, સિક્યુરિટી ગાર્ડ તરીકે નોકરી કરતાં 55 વર્ષીય આધેડે યુનિવર્સિટી પોલીસ મથકમાં ફરિયાદ નોંધાવી હતી કે, તેઓને સંતાનમાં ચાર પુત્રી અને એક પુત્ર છે. એક દીકરીને આરોપી બાબુ ઉર્ફે ક્રૃણાલ માલાભાઇ મીઠાર (ઉંમર 29 રહે. જનડા ગામ, તા. ગઢડા, જી. બોટાદ) સાથે પ્રેમ સબંધ હતો જેની જાણ ફરિયાદીને થતાં તેઓએ પુત્રના લગ્ન અમદાવાદ કરી દીધા હતા. ગુરુવારે રાત્રે જ્યારે ફરિયાદી નોકરી પર જઈ રહ્યા હતા, ત્યારે પ્રથમ કારમાં આરોપી કૃણાલ અને તેના સાથીઓએ તેમની રેકી શરૂ હતી. આરોપીઓએ રેકી શરૂ કરી હતી. ફરિયાદીએ શંકા જતા પોતાની પત્નીને ફોન કરીને જાણ પણ કરી હતી. જોકે દરમિયાન આરોપીઓ ત્યાંથી ચાલ્યા ગયા હતાં દરમિયાન ફરિયાદીના પત્ની અને તેમના 14 વર્ષનો પુત્રને આરોપીઓએ જનકપુરી ક્વાટર નજીક આવેલા મહાદેવના મંદિર પાસેથી બળજબરીથી કારમાં બેસાડી અપહરણ કરી લીધું હતું.

આ પણ વાંચો :RMCનું બજેટ 3350 કરોડ આસપાસ રહેશે: આંગળીના વેઢે ગણાય એટલી જ નવી યોજના જાહેર થશે,જાણો શું-શું કાગળ પર જ રહ્યું?

ફરિયાદી પત્નીને ફોન કરતાં હોય પણ ફોન ન ઉપાડતા તેઓ તેમને શોધવા માટે નીકળ્યા હતા દરમિયાન જે સ્થળેથી માતા-પુત્રનું અપહરણ થયું ત્યાં રાહદારીઓને પૂછતાં તેઓએ કારમાં કેટલાક શખસ બે વયક્તિને બળજબરી બેસાડી લઈ ગયા હોવાની કથની કરી હતી. જેથી ફરિયાદી તુરંત જ યુનિવર્સિટી પોલીસે પહોંચ્યા હતા. અહીં હાજર પીઆઇ એચ.એન.પટેલે બનાવની ગંભીરતાને ધ્યાને લઈને તુરંતજ શંકાસ્પદ કૃણાલ મીઠાર અને અપહરણ થયેલ મહિલાના ફોનના લોકેશનના આધારે ત્રંબા નજીક હોવાનું સામે આવ્યું હતું.

આરોપીઓને દબોચવા પોલીસની બે ટીમ ત્રંબા બાજુ રવાના થઈ હતી જોકે અહીંથી તેઓએ બીજી બાજુ ન ભાગી જાય તેથી આટકોટ અને ભાડલા પોલીસ મથકના સ્ટાફને જાણ કરી નાકાબંધી કરાવી હતી. દરમિયાન પોલીસને ત્રંબા પાસે આરોપીઓની કારને આંતરી માતા પુત્રને મુક્ત કરાવ્યા હતા. તેમજ કારમાં સવાર આરોપી બાબુ ઉર્ફે ક્રૃણાલ માલાભાઇ મીઠાર, ભરત જીવાભાઇ કલોત્રા (ઉંમર 30 રહે. માનસરોવરના ઢાળીયે આજીડેમ ચોકડી નજીક), અલ્પેશ રમેશભાઇ ઠાકોર (ઉંમર 20 રહે. માટેલ, તા. વાંકાનેર, જી. મોરબી), જયદિપ મહેશભાઇ લીંબાસીયા (ઉંમર 24 રહે. ન્યુ સાગર સોસાયટી, 40 ફૂટ રોડ, કોઠારીયા રોડ) દબોચી ગુનામાં ઉપયોગમાં લેવાયેલી કાર કબ્જે કરી હતી.

પ્રેમિકાના લગ્ન બાદ પણ પામવાની જીદમાં કર્યું અપહરણ

અપહરણની ઘટનામાં પોલીસે મુખ્ય આરોપી કૃણાલ મીઠારની પૂછપરછ કરતા સામે આવ્યું હતું કે,આરોપીએ તેના મિિંત્રો સાથે મળીને એક ભયાનક પ્લાન તૈયાર કર્યો હતો પ્રથમ પ્રેમિકાના પિતાનું અપહરણ કરવાની તૈયારી હતી પણ તેમાં નિષ્ફળ જતા જ માતા-ભાઈનું અપહરણ કર્યું જેથી જો પ્રેમિકાની માતાનું અપહરણ કરી તેમને અમદાવાદ લઈ જવામાં આવે,તો તે ડરના માર્યા દીકરીનું સરનામું આપી દેશે જોકે પોલીસે સતર્કતા દાખવી આરોપીઓના મનસૂબા ઉપર પાણી ફેરવી જેલના સળિયા પાછળ ધકેલી દીધા છે.