રાજકોટ એરપોર્ટ ઉપર પેસેન્જરોને પૌંઆ બટેટા,રસપાત્રા, ખમણ મળશે: વ્યાજબી ભાવે કેન્ટીન શરૂ,જાણો કઈ વાનગી કેટલા રૂપિયામાં મળશે ?
રાજકોટ એરપોર્ટ પર હવે પેસેન્જરો અને મુકવા આવતાં લોકોને પૌંઆ બટેટા,રસ પાત્રા, ખમણ નો નાસ્તો ઓછા ભાવે મળી રહેશે તેવી સુવિધા ઓથોરિટી દ્વારા શરૂ કરવામાં આવી છે.ટર્મિનલ બહાર ડેલો બાય યુ ફ્રેશની કેન્ટીનની સુવિધા અહીં આવતા જતા લોકોને મળશે.આ ઉપરાંત ટર્મિનલમાં નેસકાફે અને ચોકોફલાય આઉટલેટ કાર્યરત થતા વાઈબ્રન્ટ સમીટ પૂર્વે આ આઉટલેટનાં એરપોર્ટ ડાયરેક્ટર દિગંત બોરાહ અને ઓથોરિટીનાં અધિકારીઓનાં હસ્તે ઉદ્ઘાટન કરવામાં આવ્યું હતું.
આ પણ વાંચો :રાજકોટ: રૂ.24.85 કરોડના ખર્ચે નાકરાવાડીમાં એંઠવાડ-સૂકા પાંદડામાંથી બનશે ખાતર,ઘોડાની નાલ જેવા આકારનો હશે પ્લાન્ટ
કઈ વાનગી કેટલા રૂપિયામાં મળશે ?
| વાનગી | ભાવ |
| પૌવા | 40 |
| સેન્ડવિચ | 70 |
| મેગી | 80 |
| આલૂ પરાઠા દહીં સાથે | 90 |
| પફ | 40 |
| વડાપાંઉ | 50 |
| સમોસા (2 પીસ) | 70 |
| બ્રેડ પકોડા | 80 |
| સાબુદાણા વડા (3 પીસ) | 80 |
| બટાટા બોલ્સ | 80 |
| ફ્રેન્ચ ફ્રાઈઝ | 90 |
| ખમણ | 70 |
| રસપાત્રા | 70 |
| મસાલા ચા | 30 |
| આદુ ચા | 40 |
| કોફી | 40 |
| છાશ | 30 |
| ઠંડી પીણું | MRP પ્રમાણે |
| પેકેજ્ડ પાણી | MRP પ્રમાણે |
નવી ફેસિલિટી શરૂ થતાં પેસેન્જરોને રાહત મળી છે.આ સાથે યુ ફ્રેશનાં આઉટલેટનું પણ ઉદ્ઘાટન કરવામાં આવ્યું હતું. આ ઉપરાંત રેપિડો સર્વિસ શરૂ કરવામાં આવી છે. વાઇબ્રન્ટ સમિટ ને લઈને હીરાસર એરપોર્ટ થી રેપિડો કેબ સેવા શરૂ કરી દેવામાં આવી છે ,જે મોબાઇલ એપ્લિકેશન દ્વારા બુકિંગની સુવિધા આપશે.
