સોનું કેટલું શુદ્ધ? મોબાઈલ એપ ઉપર હોલમાર્કનો ફોટો અને નંબર બતાવશે શુધ્ધતા,ગ્રાહકો જાતે જ કરી શકશે ઓળખ
દેશમાં સોનાના ભાવ ઐતિહાસિક સ્તરે પહોંચી ગયા પછી હવે આ સોનુ કેટલુ ખરું છે તેની તપાસ કરવાની વ્યવસ્થામાં પણ મોટો બદલાવ આવી રહ્યો છે. હવે કોઈ પણ વ્યક્તિ તેની પાસે રહેલું સોનુ કેટલું સાચું છે અને કેટલું બનાવટી છે તે જાણી શકશે. કેન્દ્ર સરકાર એક એવી વ્યવસ્થા લાવી રહી છે જેમાં સોનાની શુધ્ધતા, વજન અને હોલમાર્કની ખરાઈ મોબાઈલ એપ મારફત કરી શકાશે.
અત્યારે હોલમાર્કિંગમાં ડુપ્લીકેસીનો ખતરો વધી રહ્યો છે કારણ કે ગ્રાહક પાસે હોલમાર્કને વેરીફાઈ કરવાની કોઈ વ્યવસ્થા નથી. આ માટે સરકારે નવી સીસ્ટમ લાગુ કરવાનો નિર્ણય લીધો છે.
દેશમાં અત્યારે તો સોનાની શુધ્ધતાને હોલમાર્કથી તપાસી શકાય છે. કોઈ પણ વ્યક્તિ સોની પાસેથી સોનુ ખરીદે છે તો તેને સોના ઉપર એક હોલમાર્ક મળે છે. આ હોલમાર્ક એ બતાવે છે કે સોનુ કેટલું શુદ્ધ છે. આ હોલમાર્ક ભારતીય માનક બ્યુરોના 300થી વધુ સેન્ટર ઉપર લગાવવામાં આવે છે.
જો કે હોલમાર્ક અસલી છે કે નકલી તે માટે ગ્રાહક પાસે કો વ્યવસ્થા નથી. અત્યારે તો વેપારી જ માનક બ્યુરો એટલે કે બ્યુરો ઓફ ઇન્ડિયન સ્ટાન્ડર્ડ પાસેથી હોલમાર્ક લગાવી આવે છે અને વેંચે છે.
નવી વ્યવસ્થા પછી ગ્રાહક દેશમાં ગમે તે સ્થળે સોનાની ખરાઈ કરી શકશે. અત્યારે આ નિયમ નવા સોના ઉપર જ લાગુ પડશે.
શું હશે વ્યવસ્થા ?
કોઈ પણ વ્યક્તિ સોનુ ખરીદે ત્યારે તેના ઉપર લાગેલા હોલમાર્કનો ફોટો અને યુનિક નંબર એપ ઉપર નાખે એટલે ખબર પડી જશે કે આ સોનુ હોલમાર્ક રજીસ્ટર્ડ છે કે નહી.તેને સોનાની શુધ્ધતા અને વજન પણ ખબર પડી જશે.
આવુ એટલા માટે થશે કે સોના ઉપર હોલમાર્ક લગાડવી વખતે જ હોલમાર્કનો ફોટો અને નંબરનો ફોટો લેવામાં આવશે. એક ફોટો સોના અને વજન સાથે હશે અને બીજો ફોટો હોલમાર્ક અને યુનિક નંબર સાથે હશે. આ બંને એક સોફ્ટવેર મારફત વેબસાઈટ ઉપર નાખવામાં આવશે. આ પછી કોઈ પણ વ્યક્તિ વેબસાઈટ ઉપર કે પછી એપ ઉપર નંબર નાખશે તો તેને સોના અંગે પૂરી માહિતી મળી જશે.
નવી વ્યવસ્થા ક્યાં અને ક્યારે લાગુ થશે?
અત્યારે દેશમાં 13 શહેરોમાં 25 ઝોનમાં આ વ્યવસ્થા લાગુ કરવામાં આવશે. આ વ્યવસ્થા આવનારા કેટલાક મહિનામાં શરુ કરી દેવામાં આવશે. આ વ્યવસ્થાના નિષ્કર્ષના આધારે કામ થશે. આ પછી તબક્કાવાર દેશમાં તમામ શહેરોમાં લાગુ કરવામાં આવશે અને આ માટે એકાદ વરસ જેટલો સમય લાગી જશે.
હાલમાં આ વ્યવસ્થા મુંબઈ, પૂર્વ દિલ્હી, દક્ષિણ દિલ્હી, તિરુચીરાપલ્લી, ત્રિશુર, કોયમ્બતુર, કરાઈકલ, કૃષ્ણાગીરી, મલપ્પુરમ, ચેન્નાઈ, કોલકત્તા, સુરત અને ચંડીગઢમાં લાગુ થશે.
