શપથ બાદ અમેરિકામાં ટ્રમ્પ બીજો શું ફેરફાર કરશે ? જુઓ
ડોનાલ્ડ ટ્રમ્પે અમેરિકી હેલ્થ ડિપાર્ટમેન્ટમાં ઘણા મહત્વપૂર્ણ લોકોને નોમિનેટ કર્યા છે. તેમાં રોબર્ટ એફ. કેનેડી જુનિયર સહિત અન્ય ઘણા નામો પણ સામેલ છે, જેઓ વિશ્વ આરોગ્ય સંગઠન હુના ટીકાકાર હતા. તેમજ અમેરિકાના હુમાંથી બહાર થવાની અટકળો પણ ચાલી રહી છે. જો આમ થાય તો ભારત સહિતના અનેક દેશોને નુકસાન થઈ શકે છે. આરોગ્ય ક્ષેત્રે મોટા પડકારો ઊભા થઈ શકે છે.
મીડિયા રિપોર્ટ્સ અનુસાર ટ્રમ્પ તેના શપથગ્રહણ બાદ વર્લ્ડ હેલ્થ ઓર્ગેનાઈઝેશન છોડી દેવાનું એલાન કરી શકે છે. જેના માટે તેમની ટીમ તૈયારી કરી રહી છે. એવામાં જો અમેરિકા હુ છોડી દેશે તો આ સંગઠન નબળું પડશે અને વૈશ્વિક સ્વાસ્થ્ય પર ચીનનો પ્રભાવ વધશે.
નિષ્ણાતો માને છે કે જો ટ્રમ્પ હુમાંથી બહાર થઇ જાય છે, તો તે અમેરિકાની હેલ્થ પોલીસીમાં મોટો ફેરફાર હશે. આ સાથે જ વૈશ્વિક મહામારી સામે લડવાના પ્રયાસોથી અમેરિકાને અલગ કરી દેવામાં આવશે. જો આમ થાય તો અનેક દેશોના પ્રોજેક્ટોને ભારે મોટા સંકટનો સામનો કરવો પડે તેવો ભય છે.
ટ્રમ્પે 2020માં પ્રક્રિયા શરુ કરી હતી
ટ્રમ્પે 2020માં હુ છોડી દેવાની પ્રક્રિયા શરુ કરી હતી, પરંતુ રાષ્ટ્રપતિ જો બિડેને આ નિર્ણય અટકાવ્યો હતો. ટ્રમ્પે દલીલ કરી છે કે, ‘હુ કોવિડ-19ના પ્રારંભિક ફેલાવા માટે ચીનને જવાબદાર ઠેરવવામાં નિષ્ફળ રહ્યું છે. તેમજ હુએ ચીનની કઠપૂતળી છે.’ હવે ટ્રમ્પ શપથ લીધા બાદ દુનિયાને ચોંકાવી શકે છે.
