હિન્દુ યુવાનની હત્યા બાદ દિલ્હીમાં તંગદિલી : હાઇવે પર ચક્કાજામ
દિલ્હીમાં પણ, એક હિંદુ યુવાનની હત્યા થયા બાદ કેટલાક વિસ્તારોમાં ભારે તંગદિલી ફેલાઈ હતી. પોલીસના જણાવ્યા મુજબ દિલ્હીમાં ગાજીપુર ફૂલ બજાર પાસે રહેતા 32 વર્ષના રોહિત નામના યુવાનની હત્યા કરાયેલી લાશ મળી આવી હતી. રોહિત એ વિસ્તારમાં ચાલતા ડ્રગ ના કારોબારનો વિરોધ કરતો હોવાનું જાણવા મળ્યું છે.એ બારામાં પોલીસે નાસીર અને તાહિર નામના બે યુવાનોની ધરપકડ કર્યા બાદ બનાવે કોમી રંગ ધારણ કરી લીધો હતો. ઉશ્કેરાયેલા લોકોએ મેરઠ – દિલ્હી એક્સપ્રેસ પર એક કલાક સુધી ચકા જામ કરી દેતા. હજારો વાહનો અટવાઇ પડ્યા હતા.
મધ્ય પ્રદેશના મહુમાં વિજય સરઘસ પર હુમલા બાદ તોફાન ફાટી નીકળ્યા
ભારતના વિજયને પગલે મહુ શહેરના વિવિધ વિસ્તારોમાં હજારો લોકો ઉજવણી કરવા માટે રસ્તા પર ઉતરી આવ્યા હતા.
એ દરમિયાન જામા મસ્જિદ પાસે લોકો ફટાકડા ફોડી રહ્યા હતા ત્યારે તેમની પર પથ્થરમારો થતાં ભારે અંધાધુંધી ફેલાઈ હતી. કેટલાક ક્રિકેટપ્રેમીઓ પોતાના મોટરસાયકલ અને સ્કૂટર છોડીને ભાગ્યા હતા. બંને જૂથો સામસામે આવી જતા વાતાવરણ તંગ બની ગયું હતું. આ અથડામણ દરમિયાન અનેક વાહનોમાં તોડફોડ કરવામાં આવી હતી.
બનાવની જાણ થતા ઇન્દોરથી વધારાનો પોલીસ કાફલો ઘટના સ્થળે દોડી ગયો હતો અને ટોળાઓને વિખેરી પરિસ્થિતિ કાબુમાં લીધી હતી. આ બનાવમાં ત્રણ વ્યક્તિને ઈજા થઈ હોવાનું પોલીસે જણાવ્યું હતું. પોલીસે લોકોને અફવા આવતી ગેરમાર્ગે ન દોરાવા વિનંતી કરી હતી.
