મોબાઈલ ફોનથી લઈને સોના-ચાંદી અને કેન્સરની દવાઓ સુધી, શું થશે સસ્તું ? જાણો બજેટની મહત્વની જાહેરાત

નાણામંત્રી નિર્મલા સીતારમણે આજે (23 જુલાઈ) મોદી 3.0નું પ્રથમ બજેટ રજૂ કર્યું હતું. બજેટમાં નાણામંત્રીએ અનેક મહત્વપૂર્ણ જાહેરાતો કરી હતી જેમાં ઉત્પાદનો પર ટેક્સ વધારવા અને ઘટાડવાથી લઈને અનેક બાબતોનો સમાવેશ થાય છે તો ચાલો જાણીએ બજેટમાં આ જાહેરાતો પછી કઈ વસ્તુઓ મોંઘી થવાની આશા છે અને કઈ વસ્તુઓ સસ્તી થવાની આશા છે.

બજેટમાં જાહેરાત બાદ આ વસ્તુઓ સસ્તી થશે

કેન્સર સંબંધિત ત્રણ દવાઓ પર કસ્ટમ ડ્યુટી હટાવી. એક્સ-રે ટ્યુબ અને ફ્લેટ પેનલ ડિટેક્ટર પરની આયાત ડ્યૂટી પણ દૂર કરવામાં આવી હતી.

મોબાઈલ ફોન અને પાર્ટ્સ- PCB અને મોબાઈલ ફોન ચાર્જર પર કસ્ટમ ડ્યૂટી 15 ટકા ઘટાડી.

25 આવશ્યક ખનિજો પર કોઈ કસ્ટમ ડ્યુટી નથી.
સોલાર સેલ અને સોલર પેનલના ઉત્પાદન પર કર મુક્તિ.

સોના અને ચાંદી પરની કસ્ટમ ડ્યુટી ઘટાડીને છ ટકા કરવામાં આવી.

પ્લેટિનમ પર કસ્ટમ ડ્યુટી હવે ઘટાડીને 6.4 ટકા કરી દેવામાં આવી છે.

તમારે આ વસ્તુઓ માટે વધુ પૈસા ચૂકવવા પડશે

1.પીવીસી ફ્લેક્સ બેનરો આયાત કરવા મોંઘા પડશે.

2.કેટલાક ટેલિકોમ સાધનોની આયાત મોંઘી થશે. મેક ઈન ઈન્ડિયા હેઠળ દેશમાં બનતા સસ્તા ઘરેલુ ઉત્પાદનોને પ્રોત્સાહન આપવાની સરકારની જાહેરાત.

3.એક વર્ષથી વધુ સમય માટે રાખવામાં આવેલ ઇક્વિટી રોકાણ મોંઘા થશે. ટેક્સ 15% થી વધારીને 20% કરવામાં આવ્યો.

4.એક વર્ષથી વધુ સમયથી રાખવામાં આવેલા શેર મોંઘા થશે. ટેક્સ 10 ટકાથી વધારીને 12.5 ટકા કરવામાં આવ્યો છે.