Facebook-Instagram ઉપર બંધ થશે ઉપયોગી ફીચર… જાણો શું છે…?
Meta ટૂંક સમયમાં તેની એક વિશેષ સર્વિસ બંધ કરવા જઈ રહી છે. કંપનીએ આની સત્તાવાર જાહેરાત કરી છે. કંપની દ્વારા ઘણા સમય પહેલા ક્રોસ પ્લેટફોર્મ મેસેજિંગ લોન્ચ કરવામાં આવ્યું હતું. તેની મદદથી યુઝર્સ ક્રોસ પ્લેટફોર્મ પર ફેસબુક અને ઇન્સ્ટાગ્રામ પર અન્ય યુઝર્સના મેસેજનો જવાબ આપી શકે છે.
કંપનીએ આ સેવા ત્રણ વર્ષ પહેલા શરૂ કરી હતી. કંપનીએ હવે આ ફિચરને બંધ કરવાનો નિર્ણય લીધો છે. આનો અર્થ એ છે કે તમે Facebook પર આવતા મેસેજનો જવાબ માત્ર Facebook Messenger દ્વારા જ આપી શકશો. ઇન્સ્ટાગ્રામ માટે પણ એવું જ છે. અહીં પણ તમારે ઇન્સ્ટાગ્રામ પર આવનારા DMનો જવાબ આ જ પ્લેટફોર્મ પર આપવાનો રહેશે. જોકે, ફિચરને બંધ કરવાનું કારણ કંપનીએ જણાવ્યું નથી.
અનુમાન છે કે આ ફિચર આ વર્ષના અંત સુધીમાં Facebook મેસેન્જર પર આવી શકે છે. આ ફિચરને ડિસેબલ કર્યા પછી કોઈપણ પ્લેટફોર્મ પરના યુઝર્સ અન્ય પ્લેટફોર્મ પરના મેસેજનો જવાબ આપી શકશે નહીં. જો કે, તેઓ મેસેજ વાંચી શકશે. આ ઉપરાંત સહભાગીઓને ચેટ હિસ્ટ્રી પણ મળશે. આ ફિચર બંધ થયા પછી તમે Instagram નો ઉપયોગ કરીને Facebook યુઝર્સની સાથે ચેટ કરી શકશો નહીં.