હવામાન ખાતાએ ચોમાસાની પ્રગતિ અને મિનિ વાવાઝોડા અંગે શું કહ્યું ? વાંચો

ઉત્તરના કેટલાક રાજ્યોમાં મીની વાવાઝોડાની આગાહી

હવામાન વિભાગ કહે છે, 80 કિમીની ઝડપે પવન ફૂંકાઈ શકે; જો કે પશ્ચિમી વિક્ષોભ વરસાદની આગેકૂચને રોકી પણ  શકે છે તેવો ભય

દેશમાં ચોમાસું હવે આગળ  વધીને ક્યાંક મિનિ વવાઝોડાનું રૂપ પણ લેશે.  ભારતીય હવામાન વિભાગના તાજેતરના બુલેટિન મુજબ, દેશના ઘણા ભાગોમાં પ્રતિકૂળ હવામાન પરિસ્થિતિઓની અપેક્ષા છે. વિભાગે પશ્ચિમી વિક્ષેપના પ્રભાવને કારણે ઉત્તરપશ્ચિમ ભારતમાં જોરદાર વાવાઝોડાની આગાહી કરી છે. દિલ્હી, પંજાબ, હરિયાણા અને રાજસ્થાનમાં 60 થી 70 કિમી પ્રતિ કલાકની ઝડપે પવન ફૂંકાતા ઝડપી વાવાઝોડાની શક્યતા છે; કેટલાક વિસ્તારોમાં 80 કિમી પ્રતિ કલાક સુધીના પવન ફૂંકાઈ શકે છે. અતિ ભારે વરસાદ સાથે અનેક રાજ્યોમાં મિનિ આંધી ફૂંકાઈ શકે છે.  જો કે સાથે એમ પણ કહ્યું  છે કે વેસ્ટર્ન ડિસ્ટર્બન્સ ચોમાસાની ચાલને અવરોધી પણ શકે છે.

યુપી અને બિહાર સહિત 16 રાજ્યોમાં ભારે વરસાદ અને વાવાઝોડાની ચેતવણી અપાઈ છે. આ સમયગાળા દરમિયાન અનેક વિસ્તારોમાં કરા પડવાની શક્યતા છે, અને વીજળી પડવાનું પણ જોખમ છે. વિભાગના જણાવ્યા અનુસાર, ઉત્તરપૂર્વ ભારત, પશ્ચિમ બંગાળ, કેરળ, કર્ણાટક અને તમિલનાડુમાં આગામી 5-7 દિવસ સુધી હવામાન બગડવાની શક્યતા છે.

આ પણ વાંચો: મણીપુરમાં ફરી ક્યાં થઈ હિંસા, શું થયું ? જુઓ

જમ્મુ અને કાશ્મીર, લદ્દાખ, ઉત્તરાખંડ અને હિમાચલ પ્રદેશમાં હળવો થી મધ્યમ વરસાદ પડી શકે છે. આ સમયગાળા દરમિયાન પંજાબ, હરિયાણા, દિલ્હી, રાજસ્થાન અને પૂર્વી અને પશ્ચિમી ઉત્તર પ્રદેશમાં તૂટક તૂટક વરસાદ પડી શકે છે.  હિમાચલ પ્રદેશ અને ઉત્તરાખંડમાં કરા પડવાની શક્યતા છે.  છત્તીસગઢ, મધ્યપ્રદેશ અને વિદર્ભમાં છૂટાછવાયા થી મધ્યમ વરસાદની શક્યતા છે.

ઉત્તર પ્રદેશ, બિહાર, ઝારખંડ, દિલ્હી, પંજાબ, હરિયાણા, રાજસ્થાન, ઉત્તરાખંડ, હિમાચલ પ્રદેશ, પશ્ચિમ બંગાળ, મધ્ય પ્રદેશ, છત્તીસગઢ, અરુણાચલ પ્રદેશ, આસામ, તમિલનાડુ અને કર્ણાટકમાં વાવાઝોડા અને વરસાદની સંભાવના છે.