છેલ્લા ઘણા સમયથી એરપોર્ટને બોમ્બથી ઉડાવી દેવાની ધમકીઓમાં વધારો થઈ રહ્યો છે ત્યારે અમદાવાદમાં પણ એરપોર્ટને ઉડાવી દેવાની ધમકી મળતા ખળભળાટ મચી જવા પામ્યો છે. વડોદરા બાદ અમદાવાદ એરપોર્ટને બોમ્બથી ઉડાવી દેવાની ધમકી ઈ-મેઈલ દ્વારા એરપોર્ટ ઓથીરીટીને મળતા તંત્ર દોડતું થયું છે અને ડોગ સ્કવોર્ડ અને બોમ્બ સ્ક્વોર્ડ દ્વારા ચેકિંગ હાથ ધરવામાં આવ્યું છે.
આજે વહેલી સવારે ફરી એકવાર એરપોર્ટને બોમ્બથી ઉડાવી દેવાનો ધમકી ભર્યો ઈ-મેઈલ મળ્યો હતો જે બાદ એરપોર્ટ પર અફરાતફરી મચી ગઈ હતી. ઈ-મેઈલ દ્વારા ધમકી મળતા જ સુરક્ષા એજન્સી સતર્ક થઈ ગઈ છે અને સમગ્ર એરપોર્ટ પર ચેકીંગ હાથ ધરાયું છે. ઈમેઇલ કોણે મોકલ્યો તેને લઇને કઈ જ માહિતી નથી ત્યારે હાલ સુરક્ષા એજન્સી આ સમગ્ર મામલે તપાસ કરી રહી છે.
તમને જણાવી દઈએ કે થોડા દિવસ પહેલા ગુજરાતમાં લોકસભાના મતદાન સમયે મતકેન્દ્ર રાખવામાં થોને બોમ્બથી ઉડાવી દેવાની ધમકી મળી હતી. જે બાદ અમદાવાદ એરપોર્ટને પણ બોમ્બથી ઉડાવી દેવાનો ઈ-મેઈલ મળ્યો હતો. ત્યારે ફરી એકવાર આ ધમકી મળતા સુરક્ષા એજન્સીઓ દ્વારા સઘન ચેકિંગ હાથ ધરાયું છે. મળતી માહિતી મુજબ આ અંગેનો મેઈલ એરપોર્ટ ડાયરેક્ટરના મેઈલ પર આવ્યો હતો. જે બાદ સમગ્ર મામલે હાલ તપાસ ચાલી રહી છે.
