રાજ્યકક્ષાના મંત્રી ભીખુસિંહ પરમારની તબિયત લથડી : બ્લડ પ્રેશર વધી જતા સારવાર અર્થે ખસેડાયા

રાજ્યકક્ષાના મંત્રી ભીખુસિંહ પરમારની તબિયત આજ રોજ લથડી હતી. તેઓ ગાંધીનગરમાં ઘરે ચા-નાસ્તો કરતા હતા ત્યારે એકાએક બ્લડ પ્રેશર વધી જતા યુએન મહેતા હોસ્પિટલમાં સારવાર અર્થે દાખલ કરવામાં આવ્યા હતા. 70 વર્ષીય ભીખુસિંહ પરમારે અચાનક બ્લડ પ્રેશર હાઈ થવાથી તત્કાળ સારવાર માટે યુ.એન.મહેતા હોસ્પિટલમાં ખસેડવામાં આવ્યા છે. જ્યાં તેમની સારવાર ચાલી રહી છે.

અમદાવાદની હોસ્પિટલમાં કરાઈ સારવાર

અમદાવાદની યુ.એન મહેતા હોસ્પિટલમાં ભીખુસિંહ પરમારની સારવાર શરૂ કરી દેવામાં આવી છે. સિનિયર ડોક્ટરોની દેખરેખ હેઠળ તેમની સારવાર કરવામાં આવી રહી છે. મીડિયા રિપોર્ટ્સ અનુસાર, અત્યારે ભીખુસિંહનું MRI કરવામાં આવી રહ્યું છે. રિપોર્ટ આવ્યા બાદ આગળની સારવાર હાથ ધરવામાં આવશે તેવું જાણવા મળ્યું છે.