રાજકોટમાં મુખ્યમાર્ગો, સર્કલોએ ઉભી રહેતી રિક્ષાઓ બસો, વાહનો બને છે ‘ટ્રાફિક સમસ્યા સર્જક’ : ટ્રાફિક સ્ટાફ ફોનમાં વ્યસ્ત
રાજકોટ ન નહીં રાજ્યભરમાં મોટા શહેરોથી લઈ હવે તાલુકા સ્તરે પણ ટ્રાફિક સમસ્યા દિન પ્રતિદિન વકરી રહી છે. સમસ્યામાં મહદઅંશે મુખ્યમાર્ગો સર્કલ્સ (ચોક) પર લાગતા ઓટો રિક્ષાના થપ્પાઓ, ખાનગી બસો કે આવા વાહનોના કારણે તેમજ કોર્ટના આદેશ, સરકારની સૂચનાઓ છતાં સ્થાનિક સરે નબળી ઇચ્છા શક્તિ કે થોડો વખત ઝુંબેશ બાદ હથિયાર હેઠા મૂકવા જેવી કામગીરીને લઈને ટ્રાફિક સંબંધી મુશ્કેલીઓમાં વધારો થઈ રહ્યાની અને સુઝાવ સાથે રાજકોટના જનજાગૃતિ અભિયાન મંચ દ્વારા મુખ્યમંત્રીને લેખિત રજૂઆત કરાઈ છે.
રજૂઆત પત્રમાં જણાવાયા મુજબ ચૂંટાયેલા પ્રતિનિધિઓ ટ્રાફિક સમસ્યા અંગે જવાબદાર તંત્ર સમક્ષ મજબૂત રજૂઆત કરવમાં વામળા થઈ રહ્યા છે. કોર્ટના આદેશ બાદ જવાબદાર વિભાગો દ્વારા અલ્પજીવી નાની મોટી ઝુંબેશ ચલાવી જાણે પ્રજાને મુર્ખ બનાવાઈ રહી હોય તેવુ લાગી રહ્યું છે. ટ્રાફિક શાખા અને મહાપાલિકાનો દબાણ હટાવ વિભાગ ભ્રષ્ટાચારમાં ડુબેલો હોવો જોઈએ.
આ પણ વાંચો :લગ્નન ઢોલ ઢબૂકશે : 3 મહિના રાજકોટમાં ધૂમ લગ્ન,RMCના 21 કોમ્યુનિટી હોલ ‘પેક’, 346 પરિવારનું બુકિંગ
શહેરના મુખ્ય માર્ગો તથા ચોકમાં રિક્ષાઓ, નાની મોટી ખાનગી બસો, અન્ય આવા પેસેન્જર વાહનો રસ્તાઓ પર કબ્જા જમાવીને ઉભા રહે છે. ઉપરાંત અનેક માર્ગ કે ફુટપાથો પર ચાની કિટલીઓ આવા પોઇન્ટ દિવસ રાત ધમધમે છે. ત્યાં ચા પીવા માટે ઉભા રહેતા આડેધડ વાહનો, વ્યક્તિઓને લઇને ટ્રાફિક સમસ્યા ઉદભવી રહે છે. આવા જ રીતે રેકડીઓ, કેબીનો, ગેરેજો, પાથરણા પણ ટ્રાફિક સમસ્યા સર્જક છે આવા દબાણો તંત્રોને દેખાતા નથી. મુખ્યમાર્ગો નજીક જ બાંધકામોનું રેતી, કપચી કે આવુ રો-મટિરિયલ્સ પડયુ રહે છે.
રાજકોટ શહેર 140 ચોરસ કિમી જેટલો વિસ્તાર છે. આરએમસી દ્વારા શહેરની હદ વધારાય છે પણ સાથે સાથે પોલીસ સાથે મળીને ટ્રાફિક સમસ્યાના ઉકેલ બાબતે નક્કર આયોજન થતું જ હોય તેવું દેખાઈ રહ્યું છે. શાળા, કોલેજો, કલાસીસ, શૈક્ષણિક સંકુલો બહાર રોડ પર વિદ્યાર્થીઓના વાહનો પાર્ક થાય છે. કોમર્શિયલ બિલ્ડિંગોમાં પાર્કિંગ બંધ કરાવી ને બહારના કે મુલાકાતીઓના વાહનો પાર્ક થવા દેવાતા નથી જેની સામે પણ સખ્ત કાર્યવાહી થવી જોઇએ. આ સહિતના મુદ્દાઓ સાથે પ્રમુખ તખુભા રાઠોડ, મહામંત્રી મુકુંદ પલાણ, ચેરમેન મનુભાઈ મારૂ દ્વારા લેખિત પત્ર સાથે સીએમને ઉપરાંત રાજ્યના ગૃહમંત્રી તથા રાજકોટ પોલીસ કમિશનરને રજૂઆત કરાઈ છે.
ટ્રાફિક સ્ટાફ ફોનમાં વ્યસ્ત, સાઇડમાં બેઠો રહે
ટ્રાફિક પોલીસ તથા ટ્રાફિક બ્રીગેડ સ્ટાફ ફોન પર વ્યસ્ત રહેતા હોય છે અથવા તો ફરજ પરના પોઇન્ટ પાસે કોઇ એકાદ ખૂણે કે સાઇડમાં મંડળી જમાવીને વાતો કરતા રહે છે ના પણ આક્ષેપો જન જાગૃતિ અભિયાન મંચ દ્વારા કરાયા છે. સીસીટીવી કેમેરાઓ ચેક કરીને આવા સ્ટાફ સામે પગલા લેવાવા જોઇએ.
