રાજકોટના ગારીડા ગામે રહેતો અને મજૂરી કામ કરતો દિનેશ ધરમશીભાઈ ધરજીયા (ઉ.વ.૨૨)નામનો યુવક ગામમાં આવેલી પાનની દુકાને ફાકી ખાવા ઉભો હતો ત્યારે ફાકી ચોરતો હતો ત્યારે ગામમાં રહેતો અરવિંદ ચનાભાઈ કુભાણી ત્યાં આવ્યો હતો અને દિનેશને ફાકી ખવડાવાનું કહેતા ફાકી ખવડાવવાની ના પાડતા અરવિંદ બોલાચાલી કરી ગાળાગાળી કરી હોન્ડામાં રહેલા કિચનમાંથી ચપ્પુ કાઢી હુમલો કર્યો હતો.
ત્યારે યુવકના ખભાના ભાગે લાગી જતા ઝપાઝપી થવાથી ગામમાં રહેતા ગોરધન લીબાભાઈ ઝિજરીયા અને શિવ લીંબાભાઈ ઝાપડીયા ત્યાં આવી યુવકને ઢીકાપાટુનો મારમારવા લાગ્યા હતા. યુવકે દેકારો કરતા પરિવારજનો દોડી આવ્યા હતા અને તેને બચાવી લઇ કુવાડવા આરોગ્ય કેન્દ્ર ખાતે સારવારમાં લઇ ગયા હતા. બનાવ અંગે એરપોર્ટ પોલીસને જાણ કરવામાં આવતા પોલીસે અરવિંદ કુંભાણી, ગોરધન ઝિજરીયા અને શિવ ઝાપડીયા સામે યુવકની ફરિયાદ પરથી ગુનો નોંધી કાર્યવાહી કરી છે