છેલ્લા ઘણા મહિનાઓથી દરરોજ પીટી પરેડમાં હથિયાર સાથે દોડાવાતાં હોવાથી અનેકની તબિયતે આપી દીધો'તો જવાબ કમિશનર બ્રજેશ ઝાએ ફેરફાર કરી દરરોજ હથિયાર સાથે દોડાવાનું બંધ કર્યું સાથે સાથે પીટી પીરિયડ પૂરો થયા બાદ ફૂટબોલ, પાસિંગ બોલ સહિતની રમતો રમવાની આપી છૂટ વોઈસ ઓફ ડ કોઈ પણ રાજ્યની પોલીસ હોય તેના માટે ચુસ્ત અને તંદુરસ્ત રહેવા માટે પરેડ જરૂરી હોય છે. ગુજરાતના દરેક શહેર-જિલ્લામાં પોલીસ હેડ ક્વાર્ટર ખાતે દરરોજ સવારે ૬:૩૦ વાગ્યાથી પોલીસ જવાનોનીપરેડ’ શરૂ થઈ જતી હોય છે. આ સિલસિલો વર્ષોથી ચાલ્યો આવે છે. જો કે તત્કાલિન પોલીસ કમિશનર રાજુ ભાર્ગવે પરેડને લઈને નિયમો આકરાં બનાવી દેતાં પોલીસ સ્ટાફમાં ભારોભાર રોષ વ્યાપી જવા પામ્યો હતો. ખાસ કરીને નાઈટ ડ્યુટી કરી હોય તેમણે વહેલી સવારે પરેડમાં હાજર રહેવા ઉપરાંત ફરજિયાત હથિયાર સાથે દોડ લગાવવાનું ફરમાન આપ્યું હોવાથી ઘણા સ્ટાફની તબિયતે જવાબ આપી દીધો હતો.
તાજેતરમાં જ બી-ડિવિઝન પોલીસ મથકના પીએસઆઈને પરેડ દરમિયાન હાર્ટ એટેક આવી જતાં તેના ઘેરા પ્રત્યાઘાત પડ્યા હતા. આ પછી પોલીસ કમિશનર બ્રજેશકુમાર ઝા દ્વારા પરેડમાં જવાનોને રાહત આપવામાં આવી હોવાનું જાણવા મળી રહ્યું છે.
પોલીસ સૂત્રો પાસેથી જાણવા મળતી વિગતો પ્રમાણે સીપી ઝા દ્વારા પરેડમાં અમુક ફેરફાર કરવામાં આવ્યા છે. ખાસ કરીને દરરોજ જવાનોને હથિયાર સાથે દોડાવાના સિલસિલાનો અંત લાવ્યો છે. શુક્રવારે સેરેમોનિયમ પરેડ દરમિયાન જ હથિયાર સાથે પરેડ લેવામાં આવી રહી છે.
આ ઉપરાંત પીટી પીરિયડ પૂર્ણ થાય એટલે જવાનો તણાવ દૂર કરી શકે તે માટે ફૂટબોલ, પાસિંગ બોલ સહિતની રમતોનો પીરિયડ સામેલ કર્યો છે જેના કારણે જવાનો હળવાફૂલ થઈને ઉત્સાહ સાથે પરેડમાં ભાગ લઈ રહ્યા છે.
આમ તો પોલીસ માટે પરેડ એ તેની ફરજનો ભાગ જ ગણવામાં આવે છે પરંતુ પરેડને લઈને નિયમોને અતિરેક થઈ જવાને કારણે મહત્તમ જવાનો રીતસરના થાકી જતા હતા જેની અસર તેમના કાર્ય ઉપર પણ પડતી હોવાનો મુદ્દો ઉપસ્થિત થયો હતો. તત્કાલિન કમિશનર દ્વારા
