રાજકોટ : જામનગર રોડ હુડકો ક્વાર્ટર પાસેથી દારુ ભરેલી રિક્ષા ઝડપાઈ

• ક્રાઈમ બ્રાન્ચે એકને દબોચ્યો, રૂ.૧.૧૨ લાખનો મુદ્દામાલ કબ્જે

વોઇસ ઓફ ડે, રાજકોટ

શહેરના જામનગર રોડ પર આવેલા હુડકો ક્વાર્ટર પાસેથી પોલીસે દારુ ભરેલી રિક્ષા સાથે એક સખશને ઝડપી લઈને દારુની ૨૨૭ બોટલો અને રીક્ષા સહિત રૂ.૧.૧૨ લાખનો મુદ્દામાલ કબ્જે કર્યો હતો.

મળતી વિગતો અનુસાર, ક્રાઈમ બ્રાન્ચ પીઆઇ એમ.આર ગોંડલીયાના માર્ગદર્શન હેઠળ ટીમ પેટ્રોલિંગમાં હતી. ત્યારે બાતમી મળી હતી કે,જામનગર રોડ સાંઢીયાપુલ પાસે આવેલા હુડકો ક્વાર્ટર શેરી નં ૧ માં આરોપી આસિફ ગોરી પોતાની રીક્ષામાં દારૂનો જથ્થો રાખેલ છે.જે હકીક્તના આધારે પોલીસે દરોડો પાડીને રીક્ષાની તલાસી લેતાં દારુની ૨૨૭ જેટલી બોટલો મળી આવી હતી.પોલીસે આરોપીની ધરપકડ કરી અને રૂ.૧.૧૨ લાખનો મુદ્દામાલ કબ્જે કર્યો હતો.