જામનગરમાં ખાનગી બસને નડ્યો અકસ્માત : ચેલા-ચંગા રોડ પર બસ અને બોલેરો વચ્ચે ટક્કર થતાં 1નું મોત, 10થી વધુ ઇજાગ્રસ્ત
રાજ્યમાં અકસ્માતની ઘટનામાં દિવસે ને દિવસે વધારો થઈ રહ્યો છે ત્યારે વધુ એક અકસ્માતની ઘટના જામનગરમાં સામે આવી છે જેમાં જામનગર નજીક ચેલા-ચંગા રોડ પર ગંભીર અકસ્માત સર્જાયો છે. લાલપુર રોડ પર ચેલા ગામના પાટિયા નજીક ટ્રાવેલ્સની બસ અને બોલેરો વચ્ચે જોરદાર ટક્કર થતાં અકસ્માતમાં બસ પલટી મારી ગઈ હતી. આ અકસ્માતમાં એક વ્યક્તિનું ઘટનાસ્થળે જ મોત નિપજ્યું હતું.જ્યારે 10થી વધુ લોકો ઇજાગ્રસ્ત થતાં તમામને સારવાર અર્થે જીજી હોસ્પિટલ ખસેડવામાં આવ્યા હતા ત્યારે આ મામલે પોલીસે ઘટનાસ્થળે પહોંચીને વધુ તપાસ હાથ ધરી હતી.
શું હતી ઘટના ?
જામનગરમાં ચેલા ગામ નજીક બપોરે 12 વાગ્યાની આસપાસ પૂરપાટ ઝડપે આવતી ખાનગી બસ સામેથી આવી રહેલાં બોલેરો પીકપ વેન સાથે અથડાઈને ડિવાઇડર કૂદી ગઈ હતી. જેના કારણે બોલેરો પલટી મારી ગઈ હતી અને ચાલક જસ્મીન તાળાનું ઘટાનાસ્થળે જ કરૂણ મોત નિપજ્યું હતું.
આ ઉપરાંત લકઝરી બસની અંદર 15 જેટલા મુસાફરો બેઠા હતા, જે તમામને પણ નાની મોટી ઈજા થઈ હોવાથી અલગ અલગ ચાર 108 નંબરની એમ્બ્યુલન્સ મારફતે સારવાર માટે જામનગરની સરકારી જી.જી. હોસ્પિટલમાં ખસેડવામાં આવ્યા છે. જેમાં બે ઈજાજ રસ્તો ની હાલત ગંભીર ગણાવાઇ રહી છે.
આ અકસ્માતના બનાવની જાણ થતા પંચકોસી બી. ડિવિઝનનો પોલીસ કાફલો તેમજ ટ્રાફિક શાખાની ટુકડી ઘટના સ્થળે દોડી ગઈ હતી, અને સૌ પ્રથમ વાહન વ્યવહારને પૂર્વવત બનાવ્યો છે, જયારે સમગ્ર બનાવ મામલે પોલીસ દ્વારા વધુ તપાસ હાથ ધરી હતી.
