રાજકોટની ચોક્કસ હોટેલોમાં પોલીસનું બેઠુ ભાગીદારી કવચ! બંધ બારણે જલ્સા પાર્ટીઓ?
રાજકોટ શહેરનો વ્યાપ વધતો જાય છે તેમ તેમ સવલતો પણ વધી રહી છે જેમાં એક છે કૂદકે ને ભૂસકે વધી રહેલી હોટલ્સ. આ હોટેલ બિઝનેસમાં ચોક્કકસ પોલીસ બાબુઓનું બેઠું ભાગીદારી કવચ રહેતું હોવાનું અને આવી ચોક્કકસ હોટેલોમાં બંધબારણે ડ્રીંક્સ કે આવી કોઈ જલ્સા પાર્ટી ઓ રાબેતા મુજબ કે સમયાંતરે ચાલતી હોવાની જાણકારોમાં ચર્ચા કે વાત છે. પોલીસ બેઠી ભાગીદાર હોવાના કારણે ત્યાં દરોડા પાડવાની શક્યતા નહિવત રહેતી હોવાને લઈને સલામત સ્થળ માનીને અહીં શોખીનો પણ વધુ આવતા હોવાની વાતો છે.
રાજકોટમાં પહેલાં ગણી ગાંઠી હોટેલ હતી. મોટી હોટલ્સ કદાચ અલગ અડગી હશે પરંતુ નાની બેંચ, પચ્ચીસ રૂમવાળી હોટલ્સ તો હવે શહેરના મહત્તમ એરિયાઓમાં એ એરિયાના મુખ્ય માર્ગ કે ક્યાક ને ક્યાક એવા અંદરૂની માર્ગ, વિસ્તારમાં પણ મળી રહે કે બની ગઈ છે. હોટેલનો મુળભૂત હેતુ અન્ય શહેરમાંથી આવતા ઉતારૂઓ કે પ્રસંગોપાત કોઈ પરિવારજનોના પુરા સમૂહને એક, બે દિવસ કે આવા સમય મુજબ સ્ટે થવાનો કે રહેવા-જમવાની સવલત મળી રહે તેવી શરતો હોય છે.
હોટેલના બિઝનેસ તરફ ચોક્કસ પોલીસબાબુઓની નજર વળી કે પડી હોય તેમ ઘણીખરી એવી હોટેલ છે કે જેમાં બાહ્ય નામ અલગ હોય પરંતુ મુળમાં કે પાયાના પથ્થરરૂપ નામ સંબંધિત પોલીસ બાબુઓનું રોકાણ હોય, નિયમ મુજબ ડાયરેક્ટ બિઝનેસ ન કરી શકે માટે હોટેલ જાણકાર કે પોતાના અંગત વિશ્વાસુના નામે રોકાણથી લઈ લાયસન્સ સુધીની કાર્યવાહી કરીને આવા વ્યક્તિને ભાગીદારના રૂપમાં રાખતા હોવાની છાપ છે.
જો નાનું રોકાણ હોય તો એક-બે જ ભેગા થઈને કરી નાખે અને હાલ ધમધમે, જો મોટું રોકાણ કરવાનું થાય તો સાથી હાથ બઢાનાની માફક બે, પાંચ વ્યક્તિ મળીને રોકાણ સાથે બેઠી ભાગીદારી કરતા હોવાની વાત છે. હોટેલ પોતાની જ હોવાથી ગમે ત્યારે ત્યાં આવી જઈ શકાય અને કોઈ પણ કામની કે કોઈ નજીકનાને કે સંબંધિતોને બોલાવાની હોટેલ પર સાચવવા
સવલત આપવામાં કોઈ રોકટોક ન રહે, સંબંધો વધુ ગાઢ બને તેવા આશય સાથે પણ કદાચિત પોલીસનું હોટેલ બિઝનેસ તરફ ધ્યાન વધુ ખૂંચ્યું હોઈ શકે. હોટેલમાં ચોક્કસ નંબર કે ફ્લોર પરના રૂમ ફિક્સ જેવા રહેતા હોય છે જેમાં જ્યારે મન ચાહે ત્યારે છૂપા માલિક, ભાગીદાર જેવા પોલીસ બાબુ જ આવી શકે, રહી શકે કે આ રૂમમાં બંધ બારણે કોઈપણ પ્રકારની બેઠક થઈ શકે.
ચોક્કસ પોલીસ બાબુઓનું નેટવર્ક મોટું હોવાથી તેમણે તેમના અંગતને સાચવવા કે આવી કોઈ પાર્ટી કરવાની હોય તો પણ પોતાની હોટેલ વધુ સલામત રહેતી હોય છે. પોલીસને પણ જો થાકોડો ઉતારવા જવું હોય તો હોટેલ પર જઈ શકે, નિરાંતે જીવે, મોજ માર્ણ શકે. કોઈપણ પ્રકારના પીણાનું કે આવું કોઈઈ ખાનપાનનું આયોજન કરવું હોય તો થઈ શકે. તાજેતરમાં જ એક વિસ્તારની હોટેલનો ચોક્કસ પોલીસ કર્મીનો મારામારીનો વાઈરલ વીડિયે આવી કોઈ પાર્ટીનો હશે કે ચેકિંગનો તે તો તેઓ જ જાણતા હશે અથવા દ્વારકાધીશ જાણતો હશે.
હોટેલ બિઝનેસમાં પોલીસને સલામત અને એક બેઠું વ્યવસાયિક સ્થળ મળી રહેતું હોવાથી આ વ્યવસાય તરફ ચોક્કસ બાબુઓ વધુ કેન્દ્રીત રહેતા હોવાનું અને કેટલાક એવા પણ હશે કે એક નહીં-અન્ય હોટેલ કે અન્ય શહેરમાં પણ બેઠ ભાગીદારી ધરાવતા હશે. ઓનપેપર રોકાણકાર પોલીસ બાબુનું નામ ન હોય પરંતુ પોલીસને તેમજ અન્યોને તો ખ્યાલ હોય કે આ હોટેલમાં બેઠીં ભાગીદારી કોની છે? આવા કારણોસર પણ કદાચ ત્યાં ચેકિંગ, રેઈડમાં અંતર રહેલું હોય અથવા સમયાંતરે માત્ર ઓનપેપર ચેકિંગ બતાવી દેવાતું હશે લઈને આવી હોટેલો અન્યો માટે કે એક-બે કલાકના રૂમ બિઝનેસ માટે અથવા તો આઈડી આપે, ન આપે કે એકાદ આઈડે કે ન આપે તો એન્ટ્રી ઈઝી રહેતી હોવાન ચર્ચા કે છાપને લઈને આવી હોટેલ બધી રીતે ફાયદામંદ રહેતી હશે અને ધિકતો ધંધો પણ આપતી હશે? ઉપરોક્ત વાત કે ચર્ચાઓ બાકી ઓનપેપર કયાંય પોલીસની ભાગીદારી ન હોય કે ન નીકળે ત્યાં સુધી તો પોલીસની હોટેલ ન કહી શકાય. જેના નામે હોય તે જ જેને ખરો માલિક, સંચાલક ગણાય.
હોટેલ બનાવીને કે ખરીદી કરીને અન્યને ભાડે આપી દેવાનો પણ બેઠો લાખેણો ધંધો!!
રાજકોટમાં કે આવા અન્ય શહેરોમાં પાંચ, પચ્ચીસ રૂમની હોટેલ બનાવીને બેઠી ભાગીદારી કરીને ચોક્કસ બાબુઓ આવકનો સ્ત્રોત ઉભો કરતા હોય છે. આ ઉપરાંત હોટેલ જાણકારને હોટેલ ચલાવવા આપીને મહિને જેવી હોટેલ અને જેવી આવક એ મુજબ બેઠા ભાડા પર લાખેણી આવક ઉભો કરવાનો સલામત ધંધો બન્યો છે. પોલીસનું રોકાણ હોવાથી આવી હોટેલ ચલાવનારાને પણ અન્ય કોઈ ડર ન રહેતો હોય પુરતી સુરક્ષા મળી રહેતી હોય આવી હોટેલો બેઠા ભાડે લેવામાં વધુ રસ દાખવતા હોય છે. હોટેલ રોકાણ કરનારા પોલીસ બાબુઓને હોટેલ ભલે ભાડે આપી દીધી હોય પણ પોતાની જ હોવાથી ગમે ત્યારે જઈ શકે, રૂમ મેળવી શકે અથવા તો પોતાનો રૂમ રીઝર્વ જ રાખેલો હોય.
પોતાના કોઈ પરિચિતો કે એવા સંબંધ સાચવવા જેવા ખાસ હોય તેને પોતાની હોટેલમાં ઉતારા કે પાર્ટી કરી કરાવી શકે. આમ, પોલીસ બાબુઓને પણ બધી રીતે ફાયદામંદ હોવાથી હોટેલ રોકાણ તરફ વધુ વળતા હશે તેવું કદાચ હોઈ શકે.
પાંચેય આંગળા સરખા ન હોય તેમ ઘણી પોલીસને નાનું ઘર વસાવતા પણ વર્ષો વીતી જાય!!
પાંચેય આંગળા સરખા નથી હોતા તેમ બધી પોલીસ એવી ન હોય કે તેઓને અન્ય બિઝનેસ બેઠા રોકાણ સાથે છૂપી ભાગીદારી કે આવક પણ હોય. માત્ર પગાર પર જ ચાલનારા પોલીસ કર્મચારીથી લઈ અધિકારી સુધીનાને કાં તો પોતાની પિતૃક સંપત્તિ, મિલકત હોય તેમાં કાંઈ આઘુપાછું કરે તો જ્યાં સ્થાયી થયા હોય ત્યાં નવું ઘર બનાવી કે લઈ શકે. બાકી તો લાંબો સમય નોકરી કરે, જી.પી. કે નિયત ફંડ એકઠું થાય, લોન લે ત્યારે નાનું એવું મકાન કે અધિકારીગણ મોટું મકાન કે એવો બંગલો ખરીદ કરી શકે. જ્યારે નોકરી ઉપરાંતની નજર કે નેટવર્ક ધરાવતા બાબુઓ પોતાની ફલક વિસ્તારી શકે, હોટલ્સ કે આવા અન્ય કોઈ બિઝનેસમાં પણ હાથ અજમાવી શકે. રોકાણ કરી શકે જેથી બધા પોલીસ બાબુઓને અન્ય રોકાણ, વ્યવસાય, મિલકત હોય તેવું પણ માની ન શકાય. આમ, પાંચેય આંગળા સરખા ન હોય તેમ માત્ર પગાર પર પણ ફરજ બજાવનારા કર્મીઓ, અધિકારીઓ પણ છે જ.
