PM મોદીના જન્મદિને “સ્વસ્થ નારી સશક્ત પરિવાર” અભિયાનનો દેશવ્યાપી શુભારંભ, રાજકોટમાં મંત્રી ભાનુબેન બાબરિયાએ અભિયાનની કરાવી શરૂઆત

પ્રધાનમંત્રી નરેન્દ્ર મોદીના જન્મદિવસ નિમિત્તે દેશભરમાં વિવિધ કાર્યક્રમોનું આયોજન કરવામાં આવ્યું હતું.  ત્યારે રાજકોટમાં વિવધ સેવાકીય કાર્યો કરીને પ્રધાનમંત્રીના જન્મદિવસની ઉજવણી કરવામાં આવી હતી. વડાપ્રધાન નરેન્દ્રભાઈ મોદીએ આજે 75મા જન્મ દિવસે “સ્વસ્થ નારી, સશક્ત પરિવાર” અભિયાનનો દેશવ્યાપી આરંભ કરાવ્યો હતો. રાજકોટમાં મહિલા અને બાળ કલ્યાણ મંત્રી મતી ભાનુબહેન બાબરીયા, વન અને પર્યાવરણ મંત્રી  મુળુભાઈ બેરાની ઉપસ્થિતિમાં “સ્વસ્થ નારી સશક્ત પરિવાર” અભિયાન હેઠળ જિલ્લા કક્ષાના કાર્યક્રમનો આરંભ કરાવવામાં આવ્યો હતો.

આ સાથે “રાષ્ટ્રીય પોષણ માહ” તેમજ “સ્વચ્છતા હી સેવા” અભિયાનના જિલ્લા કક્ષાના કાર્યક્રમો શરૂ કરાવવામાં આવ્યા હતા. મધ્યપ્રદેશના ધાર ખાતે યોજાયેલા વડાપ્રધાન  નરેન્દ્રભાઈ મોદીના કાર્યક્રમનું જીવંત પ્રસારણ અનેક લોકોએ નિહાળ્યું હતું.

આ પણ વાંચો : હેપ્પી બર્થ-ડે PM : રાજકોટના 90 કલાકારોએ તૈયાર કરી અદ્ભુત 75 રંગોળી,તસવીરો જોઈને થઈ જશો મંત્રમુગ્ધ

રાજકોટ સિવિલ હોસ્પિટલના ઉપક્રમે મેગા આરોગ્ય તપાસ કેમ્પ યોજાયો

આ અવસરે રાજકોટ સિવિલ હોસ્પિટલના ઉપક્રમે મેગા આરોગ્ય તપાસ કેમ્પ યોજવામાં આવ્યો હતો. જેમાં વિવિધ વિભાગના નિષ્ણાત ડોક્ટરોની ટીમ ખડે પગે રહીને લાભાર્થીઓના આરોગ્યની તપાસ કરી હતી. ઉપરાંત રેડ ક્રોસ તેમજ વિવિધ સંસ્થાઓના ઉપક્રમે રક્તદાન કેમ્પ પણ યોજવામાં આવ્યો હતો. જેમાં રક્તદાન માટે લોકોમાં ઉત્સાહ જોવા મળ્યો હતો.

આ કાર્યક્રમમાં મંત્રી તેમજ મહાનુભાવોના હસ્તે રાષ્ટ્રીય વયો યોજનાના સિનિયર સિટીઝન લાભાર્થીઓને સહાયક ઉપકરણોનું વિતરણ પણ કરવામાં આવ્યું હતું. કુલ મળીને 1245 સિનિયર સિટીઝનોને સહાયક ઉપકરણો આપવામાં આવશે.

કાર્યક્રમમાં મોટી સંખ્યામાં મહિલાઓ તેમજ નાગરિકો ઉપસ્થિત રહ્યા

રાજકોટ જિલ્લા વહીવટી તંત્ર દ્વારા રેસકોર્સ ગ્રાઉન્ડ ખાતે “સ્વસ્થ નારી, સશક્ત પરિવાર” અભિયાન અન્વયે જિલ્લા કક્ષાના ઉદ્ઘાટન કાર્યક્રમનું આયોજન કરવામાં આવ્યું હતું. જેમાં મોટી સંખ્યામાં મહિલાઓ તેમજ નાગરિકો ઉપસ્થિત રહ્યા હતા.

રકતદાન કેમ્પમાં 1800 જેટલા યુનિટ રક્ત એકત્ર થયું

 આ કાર્યક્રમમાં જિલ્લા કલેકટર ડૉ. ઓમ પ્રકાશે સ્વાગત પ્રવચન સાથે સૌને આવકાર્યા હતા. તેમણે જણાવ્યું હતું કે, ગઈકાલે રાજકોટ જિલ્લાના તમામ તાલુકાઓમાં રકતદાન કેમ્પ યોજાયા હતા. જેમાં આશરે 1800 જેટલા યુનિટ રક્ત એકત્ર થયું છે. રાજકોટ જિલ્લામાં સિનિયર સિટિઝનોને સહાયક સાધનો આપવા માટે 17 એસેસમેન્ટ કેમ્પ યોજીને, 4479 લાભાર્થીઓ માટે 26733 સહાયક ઉપકરણો મંજૂર કરવામાં આવ્યા છે. આ એસેસમેન્ટ કેમ્પોમાં 122 સિનિયર સિટીઝનોને અન્ય વિભાગની યોજનાઓના પણ લાભ આપવામાં આવ્યા છે. 

અધિકારી-પદાધિકરીઓ રહ્યા ઉપસ્થિત રહ્યા

આ તકે સાંસદ  રામભાઈ મોકરીયા, રાજકોટ મહાનગરપાલિકાના મેયર મતી નયનાબેન પેઢડીયા,  રાજકોટ જિલ્લા પંચાયત પ્રમુખ મતી પ્રવિણાબેન રંગાણી, ધારાસભ્યો સર્વે  ઉદયભાઈ કાનગડ,  રમેશભાઈ ટીલાળા,  ડૉ. દર્શિતાબેન શાહ, ડૉ. મહેન્દ્રભાઈ પાડલીયા, ડેપ્યુટી મેયર  નરેન્દ્રસિંહ જાડેજા, સ્ટેન્ડિંગ કમિટી ચેરમેન  જયમીન ઠાકર, શાસક પક્ષ નેતા મતી લીલુબહેન જાદવ, દંડક  મનીષભાઈ રાડિયા, અગ્રણી  માધવ દવે, આઈ.સી.ડી.એસ. કમિશનર ડૉ. રણજીતકુમાર સિંહ, રાજકોટ મહાનગર પાલિકા કમિશનર  તુષાર સુમેરા, જિલ્લા વિકાસ અધિકારી  અનંદુ સુરેશ ગોવિંદ, પી. ડી.યુ. હોસ્પિટલના અધિક્ષક  ડૉ. મોનાલી માકડિયા, મેડિકલ કોલેજના ડીન  ડૉ. ભારતી પટેલ વગેરે ઉપસ્થિત રહ્યા હતા.