video : અમદાવાદથી મુંબઈ પહોંચી શકાશે સાડા ચાર કલાકમાં… 20 કોચ સાથેની વંદે ભારત ટ્રેનનું કરાયું સફળ ટ્રાયલ
અમદાવાદ-મુંબઈ વચ્ચે 20 કોચવાળી પહેલી વંદે ભારત ટ્રેનની ટ્રાયલ રન શરૂ થઈ ગઈ છે. 20 કોચવાળી પહેલી વંદે ભારત ટ્રેન 130 કિલોમીટર પ્રતિ કલાકની ઝડપે ટ્રાયલ કરવામાં આવ્યું હતું. 20 કોચવાળી પહેલી વંદે ભારત ટ્રેન આજે સવારે 7 વાગ્યે અમદાવાદથી રવાના થઈ હતી. આ વંદે ભારત ટ્રેનનો રંગ પણ બદલવામાં આવ્યો છે. સફેદ અને બ્લુના બદલામાં સફેદ અને કેસરી રંગની ટ્રેનનું આજ રોજ ટ્રાયલ કરવામાં આવ્યું હતું
તેની ટ્રાયલ રન અમદાવાદથી વડોદરા-સુરત થઈને બપોરે 12:15 કલાકે મુંબઈ સેન્ટ્રલ પહોંચ્યા બાદ સમાપ્ત થયું. હાલમાં દેશના મોટા શહેરો વચ્ચે વંદે ભારત ટ્રેનમાં 16 કોચ અને નાના શહેરો વચ્ચે 8 કોચ ચલાવવામાં આવે છે. હાલમાં અમદાવાદ અને મુંબઈ વચ્ચે 16 કોચની બે વંદે ભારત ટ્રેન દોડી રહી છે. અમદાવાદથી 20 કોચની વંદે ભારત ટ્રેનના ટ્રાયલ રન દરમિયાન, પહેલાથી ચાલી રહેલા 14C + 2E કોચમાં વધુ 4C કોચ ઉમેરવામાં આવ્યા છે.
વંદે ભારત ટ્રેનને મળી રહેલા 100% પ્રતિસાદ અને ઓક્યુપન્સીને ધ્યાનમાં રાખીને, ટ્રાયલ રનની સફળતા બાદ દેશની પ્રથમ 20 કોચવાળી વંદે ભારત ટ્રેન ચલાવવામાં આવશે. હાલની 16 કોચવાળી વંદે ભારત ટ્રેનને 20 કોચ સાથે 130 કિલોમીટર પ્રતિ કલાકની ઝડપે ટ્રાયલ ચલાવવામાં આવી રહી છે જેથી એ જોવા માટે કે કોચની સંખ્યા વધારવાથી સ્પીડમાં કોઈ ફરક પડે છે કે કેમ અને ટ્રેનને અમદાવાદથી મુંબઈ પહોંચવામાં કેટલો સમય લાગે છે.
તમને જણાવી દઈએ કે ‘મિશન રફ્તાર’ પ્રોજેક્ટ પાંચ વર્ષ પહેલા દિલ્હી અને મુંબઈ વચ્ચે 160 કિમી પ્રતિ કલાકની ઝડપે ટ્રેન ચલાવવા માટે શરૂ કરવામાં આવ્યો હતો, જે અંતર્ગત પહેલા 130 કિમી અને પછી 160 કિમી સુધી અલગ-અલગ ટ્રાયલ કરવામાં આવશે. લાંબા અંતરને આવરી લેતી ટ્રેનો મુસાફરોને સલામત અને ટૂંકા સમયમાં પૂરી પાડવામાં આવશે.
નવી વંદેભારત ટ્રેનનું 20 કોચ સાથે આજે 130 કિમીની ઝડપે દોડાવીને ટ્રાયલ કરવામાં આવ્યું હતું. કાલુપુર રેલવે સ્ટેશનથી ઉચ્ચ અધિકારીઓની હાજરીમાં ટ્રેનનું ટ્રાયલ કરાયું હતું. ત્યારે સવારે સાત વાગ્યે કાલુપુર રેલવે સ્ટેશનથી ઉપડેલી ટ્રેન બપોરે 12.15 કલાકે મુંબઈ સેન્ટ્રલ પહોંચાડશે. 20 કોચની નવીન ટ્રેન માત્ર સાડા ચાર કલાકમાં મુંબઈ પહોંચાડશે.
