ડ્રગ્સના વધતા જતા દુષણને લઈને લોકોમાં જાગૃતિ આવે તે માટે અનેક પ્રકારના કાર્યક્રમો યોજાતા હોય છે યુવાનો દ્વારા કેમ્પેઈન પણ ચલવવામાં આવતા હોય છે ત્યારે “No Drugs Campaign ના સંદેશા સાથે 19 યુવા સાહસિકે ૧૭૩૦૦ ફૂટની ઊંચાઈ પર તિરંગો લહેરાવ્યો હતો. આ સમગ્ર દેશ માટે એક ગર્વની બાબત કહી શકાય કે માઉન્ટ એવરેસ્ટ પર તિરંગો લહેરાવીને ખુબ જ પ્રશંશનીય કામગીરી કરી છે.
ગુજરાતના ૧૯ સાહસિક યુવાઓની ટીમ દ્વારા 28 મેના રોજ ખુબ મુશ્કેલ ગણાતા પીર પંજાલ રેન્જ સ્થિત હિમાચલમાં આવેલા માઉન્ટ ફ્રેન્ડશિપ કે જેની ઊંચાઈ 17,300 ફૂટ છે; જેમા દુર્ગમ ચઢાણ અને અત્યંત નીચા તાપમાનનો સામનો કરી ગુજરાતના યુવાનોની ટીમે સફળતાપૂર્વક આરોહણ કરીને તેના પર તિરંગો લહેરાવ્યો હતો અને NO DRUGS CAMPAIGN નો સંદેશ આપ્યો હતો.
ઇન્વિન્સિબલ એન.જી.ઓ ભારતનું સૌથી મોટું ટ્રેકિંગ અને એડવેન્ચર ઓર્ગેનાઇઝેશન છે જેના દ્વારા આ યુવાઓને ૨ મહિનાની કઠોર તાલીમ આપવામાં આવી હતી. દરરોજ 5 કિમી નું રનીંગ, સામાન સાથે ચઢ ઉતર ની પ્રેક્ટિસ અને યોગ પ્રાણાયામનો અભ્યાસ કરાવવામાં આવ્યો હતો અને ટ્રેકિંગ અને પર્વતારોહણ નો આગવો અનુભવ ધરાવતા પ્રતિયોગીઓની પસંદગી કરવામાં આવી હતી.
જે લોકો માઉન્ટ એવરેસ્ટ પર પહોંચ્યા હતા તેમને પહેલા વિડિયો લેક્ચર દ્વારા ટેકનિકલ તાલીમ આપવામાં આવી હતી ત્યારબાદ શારીરિક કસોટીના આધારે તેઓની પસંદગી કરવામાં આવી હતી. ૨૧ મે ના રોજ મુશ્કેલ ગણાતા માઉન્ટ એવરેસ્ટ તરફ પ્રયાણ કર્યું હતું અને ૨૮ મેના રોજ સમિટ કરી ૧૭૩૦૦ ફૂટની ઊંચાઈ એ તિરંગો લહેરાવ્યો હતો.
19 લોકોની ટીમમાં કોનો સમાવેશ કરાયો હતો ?
આ 19 સાહસિક યુવાની ટીમમાં રાજકોટના નંદન માણેક, વિશ્વાસ હપાણી, સ્વયમ કાચા, દીપ હપાણી, પ્રિયા પટેલ, નિશીલ ગર્દેશિયા, મયંક કાચા ઉપરાંત ૧૨યુવાઓએ ભાગ લીધો. આ પૈકી વત્સલ કથીરિયા, નંદન માણેક, ગર્વ મેવાડા, વિશ્વાસ હપાણી, ધ્રુવ પટેલ, ચિરાગ પટેલ, સ્વયમ કાચા, આશુતોષ મહેતા, હેત પટેલએ સફળતા પૂર્વક આરોહણ કર્યુ. જ્યારે દીપ હપાણી, પ્રિયા પટેલ, સાર્થક જોષી, મયુર બજાણિયા, નિશીલ ગર્દેશિયા, મયંકકાચાએ બીમાર પ્રતિયોગીની મદદ માટે તે ટોચથી ૧૫૦ ફીટ નીચે રહી ગયા અને ટીમ સ્પિરિટનું મજબૂત ઉદાહરણ પૂરું પાડયું હતું. ઇન્વિન્સિબલના NGOના આ ૧૯ પર્વતારોહકોનુ નો ડ્રગ્સ અવરેનેસ અભિયાન ખૂબ જ પ્રશંશનીય છે.
