જૂન મહિનામાં ગુજરાતમાં મેઘરાજા બઘડાટી બોલાવશે : ગાજવીજ સાથે પડશે વરસાદ, આગામી 6 દિવસની હવામાન વિભાગે કરી આગાહી

કેરળમાં સત્તાવાર રીતે ચોમાસુ બેસી ગયા બાદ મેઘરાજાએ મુંબઈને ધમરોળી નાખ્યું છે ત્યારે હવામાન વિભાગે ગુજરાતમાં પણ વરસાદની આગાહી કરી હતી. આજે રાજ્યમાં દાહોદમાં ભારે વરસાદ તેમજ મહિસાગર, છોટાઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી અને દમણ ઉપરાંત અમરેલી, ભાવનગર, ગીર સોમનાથ જિલ્લામાં વરસાદ પડવાની આગાહી હવામાન વિભાગે કરી છે. આ સાથે જ હવામાન વિભાગે 6 દિવસ વરસાદની આગાહી વ્યક્ત કરવામાં આવી છે જે નીચે મુજબ છે.

આજે (28 મે)ના રોજ રાજ્યમાં દાહોદમાં ભારે વરસાદ તેમજ મહિસાગર, છોટાઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી અને દમણ ઉપરાંત અમરેલી, ભાવનગર, ગીર સોમનાથ જિલ્લામાં વરસાદ પડવાની આગાહી હવામાન વિભાગે કરી છે. જે મુજબ નવસારી,ડાંગ,પારડી,વલસાડ સહિતના વિસ્તારોમાં હળવો વરસાદ પડ્યો હતો.

રાજ્યમાં 6 દિવસ પડશે વરસાદ

રાજ્યમાં 29 મેથી 3 જૂન સુધી અલગ-અલગ જિલ્લાઓમાં મેઘરાજા મહેરબાન થશે. હવામાન વિભાગની આગાહી મુજબ, આવતીકાલે ગુરુવારે (29 મે) દેવભૂમિ દ્વારકા, જામનગર, રાજકોટ, સુરેન્દ્રનગર, બોટાદ, અમરેલી, ભાવનગર પોરબંદર, જૂનાગઢ, ગીર સોમનાથ, વડોદરા, છોટા ઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ જિલ્લાના અમુક સ્થળોએ અને કચ્છ, બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર, ખેડા, અમદાવાદ, આણંદ, પંચમહાલ, દાહોદ જિલ્લાના છૂટાછવાયા સ્થળોએ ગાજવીજ સાથે હળવાથી મધ્યમ વરસાદ પડશે અને મોટાભાગના વિસ્તારોમાં 40-50 કિ.મી.ની ઝડપે પવન ફૂંકાવવાની શક્યતા છે.

આ પણ વાંચો : ટ્રાફિક વોર્ડન એનું ધાર્યું કરે છે કે પછી ખુદ અધિકારીઓ જ આ સત્તા આપે છે? ગૃહમંત્રીના કીધા બાદ પણ નિયમની ઐસીતૈસી

30-31 મે અને 1 જૂન આ જિલ્લામાં પડશે વરસાદ

રાજ્યમાં વરસાદને લઈને હવામાન વિભાગ દ્વારા સંભાવના વ્યક્ત કરવામાં આવી છે તે મુજબ રાજ્યમાં આગામી 30 મેના રોજ મહીસાગર, પંચમહાલ, દાહોદ, વડોદરા, છોટા ઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, ગીર સોમનાથ, અમરેલી, ભાવનગર અને 31 મે અને 1 જૂનના રોજ ગીર સોમનાથ, અમરેલી, ભાવનગર, સાબરકાંઠા, અરવલ્લી, સુરત, તાપી, ડાંગ, નવસારી, વલસાડ જિલ્લાના છૂટાછવાયા સ્થળોએ ગાજવીજ સાથે હળવાથી મધ્યમ વરસાદ પડી શકે છે.

2-3 જૂનની આગાહી

આ વર્ષે ચોમાસાનું આગમન વહેલું થઈ ગયું છે ત્યારે જૂન મહિનાની શરૂઆતમાં જ મેઘરાજા બઘડાટી બોલાવશે તેવું લાગી રહ્યું છે. આગામી 2-3 જૂનના રોજ જૂનાગઢ, અમરેલી, ભાવનગર, ગીર સોમનાથ, ભરૂચ, સુરત, તાપી, ડાંગ, નવસારી, તાપી, નર્મદા, વલસાડ, અરવલ્લી, મહીસાગર, દાહોદ, પંચમહાલ, છોટા ઉદેપુર જિલ્લાના છૂટાછવાયા સ્થળોએ ગાજવીજ સાથે હળવાથી મધ્યમ વરસાદને લઈને હવામાન વિભાગે આગાહી કરી છે.