વેકેશનનો સદુપયોગ કરો, બાળકોને અંગ્રેજી શીખવો

આટલું કરશો તો કોઈપણ જાતના સંકોચ વિના સડસડાટ ઈંગ્લિશ બોલવા લાગશે

વેકેશનમાં બાળકો ઘણું નવું નવું શીખતા હોય છે પણ જો તેઓને અંગ્રેજી શીખવવામાં આવે તો તે ઉજ્જવળ ભવિષ્ય માટે ઘણું સારું છે. આમ પણ કડકડાટ અંગ્રેજી બોલતા બાળકો ખરેખર ખૂબ જ સુંદર અને સ્માર્ટ દેખાય છે. અંગ્રેજી એ ભલે ભારતીય ભાષા નથી, તેમ છતાં પણ આ ભાષા વિશ્વના 67 દેશોમાં બોલાય છે. આ સિવાય પણ વિશ્વના મોટાભાગના દેશોમાં અંગ્રેજીની જ બોલબાલા છે. આવી સ્થિતિમાં આપણા બાળકોને અંગ્રેજી ભાષા માટે તૈયાર કરવા એ આપણી જવાબદારી છે, જે તેમને સારું ભવિષ્ય આપશે.

ઘણા બધા પેરેન્ટ્સ એવા પણ છે જેઓને અંગ્રેજી બોલતા આવડતું નથી અને તેઓ તેમના બાળકોને અંગ્રેજી ભાષા શીખવા માટે વિવિધ ઈન્સ્ટિટ્યૂટમાં મોકલે પણ છે. આવી સ્થિતિમાં જો તમને અંગ્રેજી ભાષા આવડે છે અને તમે તમારા બાળકોના એજ્યુકેશન અને પર્સનાલિટી ડેવલપમેન્ટ સારું કરવા માંગો છો, તો તેના માટે અહી આપેલી કેટલીક ટિપ્સ અપનાવી શકો છો.

મોટિવેટ કરવા છે જરુરી
બાળકો જ્યારે પણ કંઈક નવી વસ્તુ શીખે છે, ત્યારે તેમને મોટિવેટ કરવા જરુરી હોય છે. આવી સ્થિતિમાં જો તમે ઘરે જ બાળકોને અંગ્રેજી શીખવવા માંગો છો, તો સૌથી પહેલા તેમને મોટિવેટ કરો.

સ્ટોરી બુક અથવા અંગ્રેજી પેપર વાંચવા માટે આપો
અંગ્રેજીને સુધારવાની સૌથી સારી રીત એ છે કે જેટલું વધુ તમે વાંચશો, તેટલા વધુ શબ્દો તમને શીખવા મળશે. આવી સ્થિતિમાં તમે તમારા બાળકોને અંગ્રેજી અખબારો વાંચવા માટે મોટિવેટ કરો અથવા તેમની રુચિ વધારવા તેમને કોઈ સ્ટોરી બુક પણ આપી શકો છો.

મૂવી અથવા ટીવી શો બતાવો
જી હા, સ્કૂલના અભ્યાસની સાથે-સાથે જો બાળકોને અંગ્રેજી ભણવાનું મન ન થતું હોય, તો તમે બાળકોના મનોરંજન માટે તેમને અંગ્રેજી ફિલ્મો, કાર્ટૂન, અહીં સુધી કે અંગ્રેજી ન્યૂઝ ચેનલો પણ બતાવો. આમ કરવાથી બાળકો અંગ્રેજી બોલતા અને સમજતા શીખે છે.

અંગ્રેજી ગીતો સંભળાવો
કોઈ પણ કવિતા હોય કે અંગ્રેજી ગીતો હોય, તે બાળકોની અંગ્રેજી ફ્લુઅન્સીને વધારવાનું કામ કરે છે, કારણ કે બાળકો ગીતોનું પુનરાવર્તન કરે છે અને તેનાથી તેઓ અંગ્રેજી બોલતા શીખે છે. આવી સ્થિતિમાં તમે તમારા બાળકોને અંગ્રેજી ગીતો અને કવિતાઓ સાંભળવા માટે આપો.

અંગ્રેજીમાં વાત કરવાનું શરૂ કરો
જે રીતે આપણે ગુજરાતી વાત કરીએ છીએ, તો બાળક આપોઆપ ગુજરાતી ભાષા સમજવા અને બોલવા લાગે છે. એ જ રીતે જો ઘરમાં પણ આપણે અંગ્રેજીમાં વાત કરીશું, તો બાળક પણ અંગ્રેજી બોલવા માટે મહેનત કરશે અને આવા વાતાવરણમાં તે ઝડપથી અંગ્રેજી બોલતા શીખે છે.