રાજ્યમાં છેલ્લા ઘણા દિવસથી પડી રહેલ અવિરત વરસાદને પગલે અનેક રસ્તાઓ બિસ્માર બન્યા છે. જેને લઈ રાહદારીઓને ભારે હાલાકી ભોગવવાનો વારો આવ્યો છે. ખાડામાં રોડ છે કે રોડમાં ખાડા છે તે જ સમજી શકાતું નથી. આ ખાડા લોકો માટે જીવલેણ સાબિત થઈ શકે એમ છે ત્યારે જામનગર રાજકોટ હાઇવે જર્જરિત હાલતમાં જોવા મળી રહ્યો છે.
મળતી વિગતો અનુસાર આ ઘટના જામનગર રાજકોટ હાઇવે પરની છે જ્યાં હાઇવે પર મસમોટા ગાબડાં પડ્યા છે. હાઇવે પર ખાડા પડવાને કારણે અકસ્માતનો ભય રહે છે તેમજ રાત્રિના સમયે અકસ્માત થવાનો ખતરો વધુ રહે છે. ત્યારે તંત્ર દ્વારા ઝડપથી રોડ રસ્તાનું રીપેરીંગ કામ હાથ ધરવામાં આવે તેવી રાહદારીઓની માંગણી છે.
જામનગર રાજકોટ હાઇવે પર મસમોટા ખાડાને કારણે વાહનચાલકો પરેશાન થયા છે. લૈયારા ગામ પાસે રોડ પર મોટા ગાબડાં પડ્યા છે. આ ગાબડાંને કારણે યાનેક કારનાં ટાયરો ફાટ્યા છે તો વીલ પ્લેટમાં પણ નુકસાન થયું છે તેમજ રસ્તા પરનાં મસમોટા ખાડામાં ફસાઈને વાહન ચાલકોને અકસ્માતનો સામનો કરવો પડી રહ્યો છે. ઉબડ ખાબડ રસ્તાને કારણે સ્થાનિકો પરેશાન થઈ રહ્યા છે. ત્યારે આ રસ્તાને ઝડપથી રીપેર કરવામાં આવે તેવી લોકોની માંગ છે.
