સગા બાપે જ દીકરીને ગર્ભવતી કરી બાળ લગ્ન કરાવી દીધા

• સાવકી માતાની ધરપકડ: પાપ ગમે તેટલું છુપાવો પરંતુ છાપરે ચડીને પુકારે છે

ભરૂચ

ભરૂચ જિલ્લામાં સગા બાપે જ પોતાની જ સગી દીકરી ઉપર વારંવાર દુષ્કર્મ કરી 2 વખત ગર્ભવતી કર્યા બાદ પોતાનું પાપ છુપાવવા બીજી પત્નીના સહકારથી ભોગ બનનારનું બાળ લગ્ન કરાવી દેતા નરાધમ બાપની ધરપકડ બાદ સાવકી માતાની પણ ધરપકડ કરી બંનેને જેલ હવાલે કર્યા બાદ ભોગ બનનારને સુરક્ષિત રીતે નારી કેન્દ્રમાં ખસેડવામાં આવી છે.

સગા બાપે જ પોતાની જ દીકરીને અલગ અલગ જગ્યા ઉપર લઈ જઈ તેણીની સાથે વારંવાર બળજબરીપૂર્વક દુષ્કર્મ કરી બળાત્કાર ગુજારવાના મામલે અગાઉ એક વખત સગા બાપ થકી દીકરી ગર્ભવતી બની હતી જેનો ગર્ભપાત પણ આયુર્વેદિક ઉપાયથી કરાવ્યો હતો ત્યારબાદ પણ સગા બાપે પોતાની દીકરીનું સતત શારીરિક શોષણ કરી વડોદરામાં લઈ જઈ તેણીની સાથે વારંવાર શારીરિક સંબંધ બાંધી સતત બીજી વખત પણ સગી દીકરીને ગર્ભવતી કરી હતી જે પ્રકરણમાં સગા બાપે પોતાનું પાપ છુપાવવા માટે પોતાની દીકરીનું દાહોદના કિશોર સાથે બાળ લગ્ન કરાવી પોતાનું પાપ છુપાવી દેવાના પ્રયાસ કર્યા હતા

પરંતુ આખરે સગા બાપનું કૃત્ય સામે આવતા સાવકી માતાએ જ પીડીતા સાથે સગા બાપ સામે બળાત્કાર પોકસો બાળ લગ્ન અધિનિયમ મુજબ ફરિયાદ નોંધાવી હતી તપાસ દરમિયાન ભોગ બનનારની સાવકી માતા સોના પણ ગર્ભવતી હોય અને તેણીએ પણ પતિને સહકાર આપી બળાત્કારનો ભોગ બનેલી દીકરીને બાળ લગ્ન કરાવી દેવાના પ્રકરણમાં સાવકી માતાની પણ પોલીસે ધરપકડ કરી છે જ્યારે ભોગ બનનાર નિરાધાર થતા તેણીની સગીર હોય જેથી તેણીને ભરૂચના નારી કેન્દ્ર ખાતે ખસેડવામાં આવી છે.

અત્રે ઉલ્લેખનીય બાબતે એ છે કે બાળ લગ્નના પ્રકરણમાં સાવકી માતા પણ સગર્ભા હોય અને તેણીને પણ સાતમો મહિનો હોવાની માહિતી મળતા સબ જેલમાંથી સારવાર માટે ભરૂચ સિવિલ હોસ્પિટલમાં ખસેડવામાં આવી હોવાની માહિતી મળી રહી છે.