નવતર પહેલ: રાજ્યની 13 હજારથી વધુ ગ્રામ પંચાયતોમાં ‘બાલિકા પંચાયત’ની રચના, દીકરીઓને તાલીમ આપી વધુ સશક્ત બનાવાશે

વિજ્ઞાન હોય કે વહીવટ, રમતગમત હોય કે રાષ્ટ્રની સુરક્ષા, દીકરીઓએ દરેક ક્ષેત્રમાં પોતાનું વર્ચસ્વ સાબિત કર્યું છે. વડાપ્રધાન નરેન્દ્ર મોદીના પબેટી બચાવો, બેટી પઢાવોથ અભિયાનના મંત્રને આત્મસાત કરી, ગુજરાત સરકાર દીકરીઓના જન્મને વધાવવાથી લઈને તેમને શિક્ષણ આપી આત્મનિર્ભર બનાવવા સુધીના તમામ પડાવો પર મક્કમતાથી કામ કરી રહી છે. તેજ દિશામાં આગળ વધતાં ગુજરાતે દેશમાં પ્રથમવાર પબાલિકા પંચાયતથ મોડેલ જેવી નવતર પહેલ અમલી બનાવી છે.

રાજ્યની બાલિકાઓમાં વધુને વધુ નેતૃત્વના ગુણો વિકસાવવા અને તેમને લોકશાહીની પ્રક્રિયાથી માહિતગાર કરવા માટે રાજ્યની 13 હજારથી વધુ ગ્રામ પંચાયતોમાં બાલિકા પંચાયતની રચના કરવામાં આવી છે. કચ્છ જિલ્લાના મોટા અંગિયા અને મસ્કા ગામથી શરૂ થયેલો આ પાયલોટ પ્રોજેક્ટ હવે સમગ્ર રાજ્યની 13 હજાર ગ્રામ પંચાયતોમાં વિસ્તર્યો છે. બાલિકા પંચાયત જેવી નવતર પહેલ કરનાર ગુજરાત સમગ્ર દેશમાં પ્રથમ રાજ્ય છે.  

સમગ્ર દેશમાં વર્ષ 2008 થી 24 જાન્યુઆરીના દિવસને પરાષ્ટ્રીય બાલિકા દિવસથ તરીકે ઉજવવામાં આવે છે. કેન્દ્ર સરકાર દ્વારા બાલિકાઓના અધિકારો, શિક્ષણ અને તેમને સમાજમાં મહત્વપૂર્ણ સ્થાન આપવાના ઉદ્દેશ સાથે આ દિવસ ઉજવાય છે. આ દિવસની ઉજવણીનો મુખ્ય હેતુ બાલિકાઓના સશક્તીકરણ અને ભવિષ્યને વધુ પરિપૂર્ણ બનાવવાના પ્રયાસોને પ્રોત્સાહિત કરવાનો છે. આ વર્ષે પદીકરીઓના ઉજ્જવળ ભવિષ્ય માટે તેમનું સશક્તીકરણથ થીમ પર આ દિવસની ઉજવણી કરવામાં આવશે.

આ પણ વાંચો :કેન્દ્રીય બજેટ કેવુ હોવુ જોઇએ..? ‘વોઇસ ઓફ ડે’ના આંગણે પ્રી-બજેટ ડિસ્કશન’,જાણો શું છે રાજકોટ-સૌરાષ્ટ્રના બિઝનેસ વર્ગની આશા-અપેક્ષા

સમગ્ર રાજ્યની ગ્રામ પંચાયતો પૈકી રચના થયેલ 13000 ગ્રામ પંચાયત ખાતે બાલિકા પંચાયત અમલવારી માટે કિશોરીઓમાં પોષણ, એનીમિયા, જેન્ડર આધારીત ભેદભાવ, નેતૃત્વ, પંચાયતી રાજ, બાળ અધિકારો, સલામતી અને સંરક્ષણ માટેના કાયદા, કિશોરાવસ્થામાં થતા ફેરફારો જેવા મુદ્દાઓ અંગે વિસ્તૃત સમજ આપવા માટે યુનિસેફના સહયોગથી નબાલિકા પંચાયત તાલીમ મોડ્યુલસ્ત્ર પણ તૈયાર કરવામાં આવ્યું છે.   તાજેતરમાં પ્રથમ તબક્કામાં મહિલા અને બાળ વિકાસ વિભાગના ICDS અને મહિલા કલ્યાણના કર્મયોગીઓને યુનિસેફ દ્વારા પટ્રેિંનગ ઓફ ટ્રેનર્સથ (ToT) પણ આપવામાં આવી છે.બીજા તબક્કામાં મહિલા અને બાળ વિકાસ વિભાગ દ્વારા તમામ જિલ્લાઓમાં ક્લસ્ટર પ્રમાણે `માસ્ટર ટ્રેનર્સ’ તૈયાર કરવામાં આવનાર છે. આ માસ્ટર ટ્રેનર્સ હવે છેવાડાના ગામ સુધીની દીકરીઓને તાલીમ આપી તેમને વધુ સશક્ત બનાવશે.

સ્ત્રી ભ્રૂણહત્યા, બાળ લગ્નો અને બાળ મજૂરી જેવા સામાજિક દૂષણોને દૂર કરી દીકરીઓને સમાન તક આપવા રાજ્ય સરકાર મક્કમ છે. રાષ્ટ્રીય બાલિકા દિવસ એ માત્ર ઉજવણી નથી, પરંતુ દીકરીઓના આત્મસન્માન અને ઉજ્જવળ ભવિષ્ય માટેના પણ સંકલ્પનો દિવસ છે.