IND VS IRE : કોણ કરશે ઓપનિંગ કોહલી કે જયસ્વાલ ?? જુઓ સંભવિત પ્લેઇંગ-11

ક્રિકેટપ્રેમીઓની જેની રાહ જોઈ રહ્યા હતા તે ઘડી આજે આવી છે. ટીમ ઈન્ડિયા ટી20 વર્લ્ડ કપ 2024માં ચમકવા માટે તૈયાર છે. ટુર્નામેન્ટમાં આજે (5 જૂન) તેનો સામનો નબળી આયર્લેન્ડ ક્રિકેટ ટીમ સાથે થશે. ભારતીય ક્રિકેટ ટીમ આજે (5 જૂન) ICC T20 વર્લ્ડ કપ 2024માં તેના અભિયાનની શરૂઆત કરશે. આ મેચ ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં રમાશે. મેચનું ટેલિકાસ્ટ 8 વાગ્યે શરૂ થશે. આ મેચમાં ભારતીય ટીમની પ્લેઇંગ 11 કેવી રહેશે તેના પર તમામની નજર રહેશે. કારણ કે ટીમ ઈન્ડિયા તેની પ્લેઈંગ 11ને લઈને એક પેટર્ન ધરાવે છે, તે મોટી ટૂર્નામેન્ટમાં તેના વિનિંગ કોમ્બિનેશનમાં કોઈ મોટો ફેરફાર કરતી નથી.

2023 T20 વર્લ્ડ કપમાં પણ શાર્દુલ ઠાકુર ખરાબ ફોર્મમાં હોવાથી ભારતીય ટીમે મોહમ્મદ શમીને તક આપી હતી અને હાર્દિક પંડ્યા ઘાયલ થયા બાદ સૂર્યકુમાર યાદવને તક આપી હતી. આવી સ્થિતિમાં, ન્યૂયોર્કમાં રમાનારી પ્રથમ મેચમાં રોહિત શર્મા જે પ્લેઇંગ 11 મેદાનમાં ઉતરશે તેને જોતા માની શકાય છે કે આખી ટૂર્નામેન્ટમાં એક જ ટીમ રમશે. કોણ ઓપનિંગ કરશે અને વિકેટકીપર કોણ હશે તે સૌથી મોટો પ્રશ્ન હશે. વિકેટકીપર તરીકે સંજુ સેમસન કરતાં રિષભ પંતને પ્રાધાન્ય મળવાની ખાતરી છે.

ભારત પાસે આયર્લેન્ડ કરતાં વધુ સારા સ્પિનરો

ભારતને ફાયદો એ છે કે તેની પાસે આયર્લેન્ડ કરતાં વધુ સારા સ્પિનરો છે, જોકે બુમરાહ સિવાય ફાસ્ટ બોલિંગ આક્રમણ થોડું નબળું લાગે છે. કારણ કે મોહમ્મદ સિરાજ અને અર્શદીપ સિંહ પાસે બુમરાહ જેવી આવડત નથી, કારણ કે આઈપીએલમાં આ બંનેનું પ્રદર્શન સરખું રહ્યું નથી. બોલિંગની કુલદીપ યાદવ અને જસપ્રીત બુમરાહ પર લોકોની નજર રહેશે.

શું યશસ્વી બહાર બેસશે?

યશસ્વી જયસ્વાલે કેપ્ટન રોહિત અને કોહલી માટે બહાર રહેવું પડી શકે છે. રિષભ પંતે પ્રેક્ટિસ મેચમાં ત્રીજા નંબરે બેટિંગ કરી હતી અને હાર્દિક પંડ્યાએ સારી બોલિંગ કરી હતી. પંડ્યાએ પ્રેક્ટિસ સેશનમાં કોહલી, સૂર્યકુમાર યાદવ અને રોહિતને સારી બોલિંગ કરી હતી. જો યશસ્વી ઓપનિંગ કરશે તો રોહિત શર્મા સાથે લેફ્ટ હેન્ડ અને રાઈટ હેન્ડનું કોમ્બીનેશન થશે.

37 વર્ષીય રોહિતનો આ છેલ્લો વર્લ્ડ કપ માનવામાં આવે છે, તે લગભગ નિશ્ચિત છે કે તે ભારતમાં યોજાનાર આગામી T20 વર્લ્ડ કપ અને દક્ષિણ આફ્રિકામાં 2027 માં યોજાનાર 50 ઓવરના વર્લ્ડ કપ સુધી નહીં રમે..

આયર્લેન્ડની ટીમની તાકાત

આયર્લેન્ડની ટીમમાં પોલ સ્ટર્લિંગ, જોશ લિટલ, હેરી ટેક્ટર, એન્ડી બલબિર્ની જેવા સારા ટી-20 ક્રિકેટરો છે. નાસાઉ કાઉન્ટી ગ્રાઉન્ડની ધીમી અને સરેરાશ વિકેટ પર ભારતીય ટીમ આયર્લેન્ડના ડાબા હાથના સ્પિનર ​​જ્યોર્જ ડોકરેલને કેવી રીતે રમે છે તે જોવું રસપ્રદ રહેશે.વર્લ્ડ કપ પહેલા પાકિસ્તાનને તેમની ધરતી પર હરાવનાર આયર્લેન્ડને ઓછું આંકી શકાય નહીં. લિટલને ગુજરાત ટાઇટન્સ તરફથી IPL રમવાનો અનુભવ પણ છે.

ભારતના સંભવિત પ્લેઇંગ 11:
રોહિત શર્મા (કેપ્ટન), વિરાટ કોહલી, સૂર્યકુમાર યાદવ, શિવમ દુબે, ઋષભ પંત (વિકેટ કીપર), હાર્દિક પંડ્યા, રવિન્દ્ર જાડેજા, કુલદીપ યાદવ, અર્શદીપ સિંહ, જસપ્રિત બુમરાહ, મોહમ્મદ સિરાજ.

આયર્લેન્ડનો સંભવિત પ્લેઈંગ 11:
એન્ડ્રુ બાલ્બિર્ની, પોલ સ્ટર્લિંગ (કેપ્ટન), લોર્કન ટકર (વિકેટકીપર), હેરી ટેક્ટર, કર્ટિસ કેમ્ફર, જ્યોર્જ ડોકરેલ, ગેરેથ ડેલાની, માર્ક એડેર, બેરી મેકકાર્થી, ક્રેગ યંગ, બેન વ્હાઇટ.