બોટાદમાં પ્રિન્સિપાલે વિદ્યાર્થીની પર નજર બગાડી: ઓફિસમાં વસ્તુ લેવા આવેલી દીકરી સાથે કર્યા શારીરિક અડપલાં,લંપટ આચાર્યની અટકાયત

બોટાદમાં શિક્ષણ જગત અને શિક્ષકોને શર્મિંદગી જેવી ઘટના બની છે. જેમના પર વિધાર્થીનીઓની સલામતીની જવાબદારી હોય એવા બોટાદની કન્યા શાળાના આચાર્ય એ જ પોતાની ચેમ્બરમાં આવેલી પુત્રીની વયની સગીર વિધાર્થીનીને શારીરિક અડપલા કરતા લંપટ જેવા આચાર્ય સામે પોક્સો એક્ટ હેઠળ ફરિયાદ નોંધાઈ છે. ઘટનાના પગલે ભારે ચકચાર મચી છે. વાલીઓમાં રોષ ઉભરી આવ્યો હતો.

બનાવ અંગેની પ્રાપ્ત થયેલી માહિતી પ્રમાણે સરદાર પટેલ કેળવણી મંડળ ગલ્સ હાઈસ્કૂલ માં આચાર્ય તરીકે ફરજ બજાવતા દિનેશ પરસોત્તમ ભૂવાએ એક વિદ્યાર્થિની જ્યારે આચાર્યની ઓફિસમાં કાતર લેવા ગઈ ત્યારે ઓફોસમાં કોઈ હતું નહિ અને દાનત બગડી હોય તેમ એકલતાનો ગેરલાભ લઇ સગીરાને શારીરિક અડપલા કર્યા હતા. સગીરા ગભરાઈને બહાર નીકળી ગઈ હતી.

આ પણ વાંચો:ધરતીપુત્રો માટે મહત્વના સમાચાર: આ તારીખથી શરૂ થશે તુવેરની ટેકાના ભાવે ખરીદી: વેચાણ માટે 1.33 લાખથી વધુ ખેડૂતોએ કરાવી નોંધણી

અચર્યાએ કરેલી પજવણી અંગે વિદ્યાર્થિનીએ તેની સખીને જાણ કરી હતી. સમગ્ર ઘટના અંગે પરિવારને પણ જાણ કરતા આચાર્ય વિરૂદ્ધ પોલીસ ફરિયાદ નોંધાવી હતી જેને લઈને પોલીસ દ્વારા પજવણીના આરોપસર આચાર્ય સામે કાયદાકીય કાર્યવાહી હાથ ધરી છે. ઘટનાના પગલે વાલીઓમાં તેમજ સભ્ય સમાજમાં પણ પ્રિન્સિપાલ પર ફિટકાર વરસ્યો છે.