ગુજરાત સરકાર આગામી દસ વર્ષમાં ૨ લાખથી વધુ સરકારી નોકરી આપશે તેવું ધ સેક્રેટરીએટના અહેવાલમાં જણાવાયું છે. સરકારમાં નિવૃત્તિને કારણે ખાલી થયેલી જગ્યાઓ ભરવા માટે તૈયાર કરાયેલા નવા ભરતી કેલેન્ડર મુજબ, દર વર્ષે આશરે ૨૧ હજાર નવી નોકરીઓનું સર્જન થશે.
રાજ્ય પ્રવક્તા અને સામાન્ય વહીવટ વિભાગના પ્રભારી કેબિનેટ મંત્રી ઋષિકેશ પટેલે જણાવ્યું હતું કે સરકારે ખાલી જગ્યાઓ ભરવા માટે 10 વર્ષનું ભરતી કેલેન્ડર તૈયાર કર્યું છે, જે મુજબ રાજ્ય સરકાર 2033 સુધીમાં યુવાનોને કુલ 2,06,991 નોકરીઓ પૂરી પાડશે.
સરકાર વધુ લોકલક્ષી વહીવટ માટે સમયાંતરે વહીવટમાં સુધારા કરી રહી હોવાનો દાવો કરતાં ઋષિકેશ પટેલે એ જણાવ્યું હતું કે રાજ્યની વહીવટી વ્યવસ્થા અને કાર્યપદ્ધતિમાં જરૂરી સુધારા કરવા, માનવશક્તિને તર્કસંગત બનાવવા, જાહેર સેવાઓને મજબૂત બનાવવા અને નવીનતમ ટેકનોલોજીના ઉપયોગ દ્વારા કાર્યક્ષમતા વધારવાના ઉદ્દેશ્ય સાથે, મુખ્ય સલાહકાર હસમુખ અઢિયાના અધ્યક્ષતામાં ગુજરાત વહીવટી સુધારા આયોગની રચના કરવામાં આવી છે.
સરકારની યોજનાઓના મુદ્દા પર સંપર્ક કરવામાં આવતા, ગુજરાત રાજ્ય કર્મચારી સંકલન સમિતિના અધ્યક્ષ, વિશ્વભાઈ પટેલે જણાવ્યું હતું કે દર વર્ષે સરેરાશ 10-14 હજાર કર્મચારીઓ સરકારી નોકરીઓમાંથી નિવૃત્ત થાય છે.
તેમણે ઉમેર્યું કે સરકાર દર વર્ષે કુલ સર્જાયેલી નોકરીઓના માત્ર 15-20 ટકા જ ભરતી કરે છે. પરંતુ જો સરકાર નવા ભરતી કેલેન્ડર મુજબ નિયમિતપણે ખાલી જગ્યાઓ ભરશે તો વિભાગો અને શાખાઓની કામગીરી ઝડપી બનશે.
ક્યા વર્ષમાં કેટલા કર્મચારીઓ-અધિકારીઓ નિવૃત થશે
2025-26 14,346
2026-27 13,883
2027-28 12,909
2028-29 11,829
2029-30 11,033
2030-31 10,059
2031-32 8,767
2032-33 8,829
