C.A.નું પરિણામ જાહેર : રાજકોટનો જીગર રાચ્છ દેશમાં 20માં સ્થાને, રાજકોટમાંથી 140 માંથી 23 વિદ્યાર્થીઓ બન્યાં C.A

સોમવારે સી.એ.ફાઉન્ડેશન, ઇન્ટરમીડીયેટ અને ફાઇનલનું પરિણામ જાહેર થયું છે. જેમાં રાજકોટ સેન્ટરનું ફાઉન્ડેશનમાં 18%,ઈન્ટરમીડીયેટમાં 9.05% અને ફાઇનલમાં 16 ટકા રિઝલ્ટ આવ્યું છે. જ્યારે બંને ગ્રુપમાં પરીક્ષા આપનાર 140 વિદ્યાર્થીઓમાંથી 23 વિદ્યાર્થીઓએ બંને ગ્રુપ પાસ કર્યા છે. ઇન્ટરમિડીયેટ માં 389 વિદ્યાર્થીઓ માંથી 37 વિદ્યાર્થીઓએ બંને ગ્રુપ ક્લિયર કર્યા છે.

આ પણ વાંચો : હાલ હું જટાશંકર નજીક છું…જુનાગઢ ભારતી આશ્રમના લઘુ મહંતના ગુમ થવા મામલે રહસ્ય વધુ ઘેરુ બન્યું, ટ્રસ્ટીને ફોન કરીને જાણો શું કહ્યું

ફાઇનલમાં પ્રથમ ગ્રુપમાં 311 માંથી 67 વિદ્યાર્થીઓ પાસ થયા છે, ફાઇનલના બીજા ગ્રુપમાં 129 માંથી 30 વિદ્યાર્થીઓએ આ પરીક્ષા પાસ કરી છે જેનું પરિણામ 23.26% આવ્યું છે. ઇન્ટરમીડીયેટમાં પ્રથમ ગ્રુપમાં 358 માંથી 11 વિદ્યાર્થીઓએ પરીક્ષા ઉત્તીર્ણ કરતાં 3.5% અને બીજા ગ્રુપમાં 277 માંથી 114 વિદ્યાર્થીઓએ પરીક્ષા પાસ કરતા 41.16 ટકા પરિણામ આવ્યું છે.

આ પણ વાંચો : બોલીવુડના પ્રથમ અભિનેતાને મળશે આ ખાસ એવોર્ડ : જાણો આમિર ખાનને કયા એવોર્ડથી નવાજવામાં આવશે

આ ઉપરાંત ફાઉન્ડેશનની પરીક્ષામાં 963 માંથી 181 વિદ્યાર્થીઓએ પરીક્ષા પાસ કરતા 18.80% રાજકોટ સેન્ટરનું પરિણામ આવ્યું છે. રાજકોટનો વિદ્યાર્થી જીગર રાચ્છ જેને ફાઉન્ડેશનની પરીક્ષામાં ઓલ ઇન્ડિયા મેરીટમાં 20મું સ્થાન મેળવીને રાજકોટનું ગૌરવ વધાર્યું છે. તેના પરિણામમાં ફાઇનલમાં રાજકોટ સેન્ટરમાં ટોપ 5 માં દિવ્યા દેગડા ફર્સ્ટ, પ્રિયાંશુ સેતા બીજા સ્થાને, ઇન્ટરમીડીયેટમાં રાજકોટ સેન્ટરમાં વ્રજ હિરપરા, જીગ્નેશ પૂજારા અને રિશી રાબડીયા ચમક્યા છે.