સુરતમાં વધુ એક હત્યાની ઘટના સામે આવી છે જેમાં યુ ટ્યુબ ચેનલમાં કામ કરતા યુવકને તીક્ષ્ણ હથિયારના ઝીંકીને મોતને ઘાટ ઉતરતા ચકચાર મચી જવા પામી છે. ત્યારે ઘટનાની જાણ થતા પોલીસકાફલો ઘટના સ્થળે પહોંચ્યો હતો અને મૃતકના મૃતદેહને પીએમ અર્થે હોસ્પિટલ ખસેડીને આ મામલે વધુ તપાસ હાથ ધરવામાં આવી છે.
મળતી વિગતો અનુસાર આ ઘટના સુરતના સલાબતપુરા પોલીસ સ્ટેશન વિસ્તારની છે જ્યાં HTC ટેક્ષ્ટાઈલ માર્કેટ આંજણા પાસે youtube ચેનલમાં કામ કરતા જુબેરની ક્રુરતા પૂર્વક હત્યા નીપજાવવામાં આવી હતી. 16-17 વયનાં 5-6 કિશોરોએ હત્યા ને અંજામ આપ્યો હોવાની ચર્ચા થઇ રહી છે. ઉપરા- છાપરી 34 ઘા મારી ઝુબેરને મોતને ઘાટ ઉતરતા સનસનાટી મચી જવા પામી હતી. ત્યારે આ મામલે ઘટનાની જાણ થતા પોલીસકાફલો ઘટનાસ્થળે પહોંચ્યો હતો અને ઘટના અંગે વધુ તપાસ હાથ ધરીને આરોપીઓને પકડી પાડવા માટે ચક્રોગતિમાન કર્યા છે.
ડીસીપી ગઢવીએ કહ્યું કે સીતારામ ટી-સ્ટોલની ઉપર હત્યા કરવામાં આવી હતી. ઇજાગ્રસ્ત હાલતમાં તેને મેડિકલ ટ્રીટમેન્ટ માટે લઈ જવામાં આવ્યો હતો. જો કે તબીબોએ તેને મૃત જાહેર કર્યો હતો. મરણ જનારે અગાઉ આરોપીઓ વિરુદ્ધ અરજી કરી હોવાની અંગત દાવતમાં સમગ્ર હત્યા કરી હોવાનો પ્રાથમિક તપાસમાં સામે આવ્યુ છે. હાલ શકમંદોની તપાસ કરવામાં આવી રહી છે. હજુ કોઈને અટક કરવામાં આવી નથી. આ ઘટના અંગે વધુ તપાસ હાથ ધરીને આરોપીઓને પકડી પાડવા માટે ચક્રોગતિમાન કર્યા છે.
