રાજકોટમાં બંગાળી શેઠની બર્બરતા : બાળમજૂરની પૂંઠે સળીયો ખોસતા મૂત્ર માર્ગ થયો બંધ, સિવિલમાં સારવાર હેઠળ

રાજકોટના મોરબી રોડ પર બેડી ચોકડી નજીક ગોપાલ રેસિ.માં મકાનમાં બંગાળી બાળ મજૂરોને ગોંધી રાખી ક્રુરતા ગુજારાતી હોવાની ઘટનામાં 19પરપ્રાંતિય મજૂરોને ક્રાઈમ બ્રાંચ, SOG., HTUની ટીમને મુકત કરાવાયા અને સિવિલ હોસ્પિટલમાં બાળકોનું તબીબી પરિક્ષણ કરાવાતા એક બાળક પર બંગાળી શેઠે એ હદે બર્બરતા ગુજારી હતી કે તેના મૂત્ર માર્ગને ઇજા થતા બાળકનું યૂરિન પણ પૂંઠના ભાગેથી પસાર થાય છે. ઈજાગ્રસ્ત બાળકને સારવારમાં ખસેડાયો છે. આરોપી પશ્ચિમ બંગાળના અજીત મૌલા આજમત મૌલા વિરૂધ્ધ પોકસોની કલમનો ઉમેરો કરવાભાં આવ્યો છે.

પશ્ચિમ બંગાળનો શખસ ઇમિટેશનનું કામ કાજનું કારખાનુ ધરાવતો હોય વતનમાંથી બાળ મજુરોને અહીં લઈ આવતો હતો. પાંચ હજાર રૂપિપયા માસિક પગાર આપી સવારે નવથી રાત્રે કયારેક મોડી રાત સુધી 12-15 કલાક કામ કરાવતો હતો. જમવામાં પણ ભાત કે આવુ જ આપતો અને બાળકોનું શોષણ કરતો હતો. રાજકોટ રાજકોટ શહેર પોલીસની ટીમોએ પુણ્યરૂપ કામગીરી કરી આવા 14 બાળમજુર મળી 19 પરપ્રાંતિય મજુરોને ગુરુવારની રાત્રે મુકત કરાવ્યા હતા. કારખાનુ ચલાવતા પશ્ચિમ બંગાળના વતની અજીન મૌલા વિરૂધ્ધ જુવેનાઈલ એકટ સહિતની કલમ હેઠળ ગુનો નોંધી અજીતની ધરપકડ કરી હતી.

આ પણ વાંચો : કોહલી કમાણીમાં પણ ‘વિરાટ’! આટલા કરોડની સંપતિનો માલિક, ક્રિકેટ સિવાય અહીંથી કરે છે કમાણી, જાણો તમામ માહિતી

બાળ મજુરોને માર મારતો હોવાની ફરિયાદના પગલે પોલીસ દ્વારા બાળમજુરોનું માર મારવા ઉપરાંત અન્ય કોઇપ્રકારે યૌન શોષણ થતું હતું કે કેમ તે બાબતે બાળકોનું રાજકોટ સિવિલ હોસ્પિટલમાં મેડિકલ ચેકઅપ કરાવ્યું હતું. એક બાળકના પૂંઠના ભાગે ઇજા હતી. જેથી તપાસ અને પૂછતાછમાં ગભરાયેલા, ફફડતા બાળકે શેઠ દ્વારા કામ બાબતે કે આવી રીતે માર મારતો અને પૂંઠના ભાગે સળીયો ભરાવીને ઝુલમ ગુજારાતો હોવાનું કથન કર્યુ હતું. બાળકને સારવારમાં સિવિલમાં એડમીટ કરાર્યો છે. આવી ક્રુરતા સાંભળી અને બાળકોની દયનીય સ્થિતિ જોઈ પોલીસનું હૈયુ કંપી ઊઠયું હતું. બર્બરતા ગુજારનાર શખસને પોલીસે બરાબરના કાયદાના પાઠ ભણાવ્યા, ભાન કરાવ્યુ હતું.

આ પણ વાંચો : આમાં આગ ક્યાંથી બુઝે! રાજકોટમાં હલકી ગુણવતાના અગ્નિશમન સાધનો બનાવતી ફેક્ટરી ઝડપાઇ

આંતરીક વર્તુળોમાંથી જાણવા મળ્યા મુજબ શેઠના રૂપમાં શેતાન જેવા શખસે એટલી હદે બાળક પર પૂંઠના ભાગે સળીયો કે આવો પદાર્થ ભરાવવાનું ક્રુર કૃત્ય કર્યુ કે બાળકના મૂત્ર માર્ગમાં ગંભીર પહોંચ છે. જેને લઈને બાળકનો મૂત્રમાર્ગ બંધ થયો હોય કે એવી કોઈ ઈજા થવાથી બાળકનું યૂરિન તેની પૂંઠના ભાગેથી નીકળે છે. સારવાર કરનાર તબીબો પણ ચોંકી ઉઠયા છે. સિવિલના સૂત્રોના કહેવા મુજબ બાળકના મૂત્ર માર્ગની નડીને ઇજા થઇ હોય, લીક થઈ જવાથી મૂત્ર પણ ગુદાના ભાગે નીકળતું હોય સર્જરી કરવી પડે. બાળકના પરિવારજનો વતનથી પહોંચે ત્યારબાદ બાળકની આ ઇજાની સારવાર થશે તેવું જાણવા મળે છે. માનવીના રૂપમાં આવા હેવાન શખસ સામે બાળકની પૂંઠની ઈજાને લઈને આરોપી સામે પોકસો કલનો ઉમેરો કરાયો છે.

બીજી તરફ બાળકોનું આયકોલોજીસ્ટ, ચાઇલ્ડ વેલ્ફેર ઓફિસર સહિતની ટીમ દ્વારા કાઉન્સિલિંગ કરવાની કાર્યવાહી થશે. પોલીસ દ્વારા આરોપી અજીતની સાથે અન્ય કોઈની સંડોવણી છે કે કેમ ? સહિતના મુદ્દે પણ તપાસ ચલાવાઈ રહી છે.