ગુજરાતમાં વરસાદનો વધુ રાઉન્ડ થશે શરૂ : 6 દિવસ અતિભારે વરસાદની આગાહી, આવતીકાલે 5 જિલ્લામાં રેડ એલર્ટ જાહેર

ગુજરાતમાં વરસાદનો વધુ એક રાઉન્ડ શરૂ થવા જય રહ્યો છે. વરસાદી સિસ્ટમ સક્રિય થતા મેઘરાજા ફરી બઘડાટી બોલાવશે તેવું લાગી રહ્યું છે. ગુજરાતમાં 6 દિવસ ભારેથી અતિભારે વરસાદની આગાહી હવામાન વિભાગ દ્વારા કરવામાં આવી છે ત્યારે આવતીકાલે 5 જિલ્લામાં રેડ એલર્ટ પણ જાહેર કરવામાં આવ્યું છે. રાજ્યમાં ચાર સિસ્ટમ સક્રિય થતા ભારે વરસાદની સંભાવના વ્યક્ત કરવામાં આવી છે તેમજ માછીમારોને 6 દિવસ દરિયો ન ખેડવા સૂચના આપી દેવામાં આવી છે. આજે સૌરાષ્ટ્ર-દ. ગુજરાતમાં વરસાદની વકી છે. ત્યારે ચાલો જાણીયે આગામી દિવસોમાં ક્યા જિલ્લામાં વરસાદ પડી શકે છે.

ગુજરાત પર મેઘરાજા હેત વરસાવશે. હવામાન વિભાગે 19 થી 24 ઓગસ્ટ સુધી ભારે વરસાદની સંભાવના વ્યક્ત કરવામાં આવી છે. જેમાં આવતીકાલે મંગળવારે (19 ઓગસ્ટ) અને 20 ઓગસ્ટના રોજ અમરેલી, ભાવનગર, જૂનાગઢ, ગીર સોમનાથ, નવસારી, વલસાડ જિલ્લામાં રેડ એલર્ટ જાહેર કર્યુ છે.

જૂનાગઢ, અમરેલી, ગીર સોમનાથ, નવસારી, વલસાડમાં રેડ એલર્ટ

હવામાન વિભાગની આગાહી મુજબ 19 ઓગસ્ટ અને મંગળવારના રોજ 5 જિલ્લામાં રેડ એલર્ટ જાહેર કરવામાં આવ્યું છે જેમાં જૂનાગઢ, અમરેલી, ગીર સોમનાથ, નવસારી, વલસાડ જિલ્લાનો સમાવેશ થાય છે. આ 5 જિલ્લામાં ભારેથી અતિભારે વરસાદની આગાહી કરવામાં આવી છે જ્યારે અન્ય 28 જિલ્લામાં ભારેથી અતિભારે વરસાદની આગાહી છે. જેમાં દેવભૂમિ દ્વારકા, પોરબંદર, રાજકોટ, ભાવનગર, ગીર સોમનાથ, ભરૂચ, સુરત, તાપી, ડાંગ જિલ્લામાં ઓરેન્જ એલર્ટ અને કચ્છ, બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, મહીસાગર, દાહોદ, પંચમહાલ, વડોદરા, છોટા ઉદેપુર, નર્મદા, આણંદ, ખેડા, અમદાવાદ, સુરેન્દ્રનગર, બોટાદ, મોરબી જિલ્લામાં યલો એલર્ટ જાહેર કર્યુ છે.

20 ઓગસ્ટે 4 જિલ્લામાં રેડ એલર્ટ

20 ઓગસ્ટ અને બુધવારે 4 જિલ્લામાં રેડ એલર્ટ જાહેર કરવામાં આવ્યું છે જેમાં અમરેલી, ભાવનગર, નવસારી, વલસાડ જિલ્લાનો સમાવેશ થાય છે. ત્યારે ભારેથી અતિભારે વરસાદની આગાહીને પગલે આ 6 દિવસ માછીમારોને દરિયો ન ખેડવા સૂચના આપી દેવામાં આવી છે. દાહોદ, પંચમહાલ, વડોદરા, છોટા ઉદેપુર,દેવભૂમિ દ્વારકા, જૂનાગઢ, પોરબંદર, ગીર સોમનાથ, આણંદ, ખેડા, અમદાવાદ, સુરેન્દ્રનગર, બોટાદ, મોરબી,બનાસકાંઠા, સાબરકાંઠા, ભરૂચ, સુરત, તાપી, ડાંગ જિલ્લામાં ઓરેન્જ એલર્ટ અને કચ્છ, પાટણ, મહેસાણા, રાજકોટ, ગાંધીનગર, અરવલ્લી, મહીસાગર, નર્મદા જિલ્લામાં યલો એલર્ટ જાહેર કર્યુ છે.

આ પણ વાંચો : આયુષ્માનની ‘થામા’ના સ્ટાર્સની પહેલી ઝલક આવી સામે : રશ્મિકા બની ‘તાડકા’ તો નવાઝુદ્દીન બન્યો ‘યક્ષાસન’, જાણો ટીઝર ક્યારે થશે રિલીઝ?

21-22 ઓગસ્ટની આગાહી

આગામી 23 ઓગસ્ટ સુધી સૌરાષ્ટ્ર, ઉત્તર ગુજરાત અને દક્ષિણ ગુજરાત સહિતના વિસ્તારોમાં ભારે વરસાદની આગાહી છે, ત્યારે 21-22 ઓગસ્ટના રોજ રાજ્યના 26 જિલ્લામાં ધોધમાર વરસાદની શક્યતા છે. જેમાં દેવભૂમિ દ્વારકા, જૂનાગઢ, પોરબંદર, ગીર સોમનાથ, બનાસકાંઠા, સાબરકાંઠા, અમરેલી, ભાવનગર, નવસારી, વલસાડ, કચ્છ, પાટણ, મહેસાણા, રાજકોટ, ગાંધીનગર, અમદાવાદ, સુરેન્દ્રનગર, બોટાદ, મોરબી, અરવલ્લી, મહીસાગર, દાહોદ, પંચમહાલ, આણંદ, ખેડા જિલ્લામાં ગાજવીજ સાથે ભારે અતિભારે વરસાદની આગાહી છે.

23-24 ઓગસ્ટની આગાહી

રાજ્યમાં 23 ઓગસ્ટે કચ્છ, પાટણ, બનાસકાંઠા, મહેસાણા, ગાંધીનગર, સાબરકાંઠા, અરવલ્લી, ખેડા, અમદાવાદ, સુરેન્દ્રનગર, મોરબી, રાજકોટ, જામનગર, દેવભૂમિ દ્વારકા, પોરબંદર, નવસારી, વલસાડ અને 24 ઓગસ્ટે કચ્છ, પાટણ, બનાસકાંઠા, સાબરકાંઠા, નવસારી, વલસાડ જિલ્લામાં યલો એલર્ટ જાહેર કર્યુ છે.બીજી તરફ, નવસારી, વલસાડ અને દમણ માટે રેડ એલર્ટ આપવામાં આવ્યું છે, જે ભારેથી અતિભારે વરસાદનો સંકેત આપે છે. આ વરસાદી માહોલને કારણે સુરત શહેરમાં હિલ સ્ટેશન જેવો સુંદર માહોલ સર્જાયો છે અને વાતાવરણમાં ઠંડક પ્રસરી ગઈ છે, જેનાથી લોકોને ગરમીથી રાહત મળી છે.