AMCનું જોખમી સાઇનબોર્ડ કાંકરિયા પાસે ધરાશાયી થતાં 3 લોકો થયા ઇજાગ્રસ્ત, જુઓ વિડીયો
કોઈપણ જિલ્લામાં કોર્પોરેશન દ્વારા સાઇન બોર્ડ લોકોને રસ્તા શોધવામાં મદદ થઈ શકે તે માટે બનવવામાં આવતા હોય છે ત્યારે અમદાવાદમાં આ સાઇનબોર્ડ પરિવાર માટે જોખમી સાબિત થયું હતું. અમદાવાદમાં ભારે પવન ન હોવા છતા હોર્ડીંગ બોર્ડ તૂટી પડતા એક જ પરિવારના 3 સભ્યો ઈજાગ્રસ્ત થયા છે. અચાનક સાઇન બોર્ડ તૂટી પડતાં આસપાસના લોકો દોડી આવ્યા હતા. પરિવારના સભ્યોને હોસ્પિટલ ખસેડ્યા હતા. બાળકનો હાથ ભાંગ્યો હતો તેમજ માતા-પુત્રીને પણ ઈજા થઈ હતી.
મળતી વિગતો અનુસાર આ ઘટના અમદાવાદના કાંકરિયા વિસ્તારની છે જ્યાં વિશાળ સાઈનબોર્ડ ધરાશાયી થવાની ઘટના સામે આવે છે. શહેરના કાંકરિયા વિસ્તારમાં મ્યુનિસિપલ કોર્પોરેશન દ્વારા લગાવેલું સાઇનબોર્ડ ધરાશાયી થતાં ટુ વ્હીલર પર જઇ રહેલા પરિવાર અકસ્માતનો ભોગ બન્યો હતો.આ અકસ્માતમાં બાળક સહિત ત્રણ લોકોને ઇજા પહોંચી છે. અચાનક સાઇન બોર્ડ તૂટી પડતાં આસપાસના લોકો દોડી આવ્યા હતા. પરિવારના સભ્યોને સારવાર અર્થે હોસ્પિટલ ખસેડવામાં આવ્યા હતા.
દીપમાલા જૈન અને દિવ્યાંગ જૈન ગઈકાલે રાત્રે મણિનગર બાગથી કાંકરિયા જવા નીકળ્યા હતા. દરમિયાન કાંકરિયાના પુષ્પકુંજ ગેટ નંબર એક પાસે મહાનગરપાલિકા દ્વારા વિસ્તાર અને રસ્તાની માહિતી આપતું સાઈન બોર્ડ લગાવવામાં આવ્યું હતું. સાઈન બોર્ડ અચાનક તૂટીને એક્ટિવા પર પડતા દીપમાલા જૈન, દિવ્યાંગ જૈન અને જિયા જૈનને ઈજા થઈ હતી. સાઈન બોર્ડ પડવાની ઘટનાને પગલે આસપાસના લોકો પણ દોડી આવ્યા હતા. તમામ ઇજાગ્રસ્તોને તાત્કાલિક 108 મારફતે મણિનગરની એલજી હોસ્પિટલમાં દાખલ કરવામાં આવ્યા હતા.
