RTE હેઠળ 4 એપ્રિલથી પ્રવેશ પ્રકિયા શરૂ થશે: આ તારીખ સુધી ઓનલાઈન અરજી ફોર્મ ભરી શકશે, જાણો કયા ડોક્યુમેન્ટ અપલોડ કરવાના રહેશે
રાજ્ય સરકાર દ્વારા રાઈટ ટુ એજ્યુકેશન એક્ટ (RTE) હેઠળ બિનઅનુદાનિત ખાનગી પ્રાથમિક શાળાઓમાં 25 ટકા અનામત બેઠકો પર ધોરણ-1માં પ્રવેશ માટેની પ્રક્રિયા તા. 4 એપ્રિલ 2026થી શરૂ થનાર છે. આ યોજના હેઠળ નબળા અને વંચિત જૂથના બાળકોને ખાનગી શાળાઓમાં અભ્યાસ કરવાની તક આપવામાં આવશે.
સરકાર દ્વારા જાહેર કરાયેલ વિગતો મુજબ, તા. 1 જૂન 2026ના રોજ 6 વર્ષ પૂર્ણ કરનાર બાળકો આ પ્રવેશ માટે પાત્ર ગણાશે. વિદ્યાર્થીઓના વાલીઓ તા. 4 એપ્રિલથી 17 એપ્રિલ 2026 દરમિયાન સત્તાવાર વેબસાઈટ પર જઈ ઓનલાઈન અરજી ફોર્મ ભરી શકશે.
આ પણ વાંચો:હું મંદિરે જતાં પેસેન્જ પાસેથી પૈસા લેતો નથી…રાજકોટમાં રિક્ષાનું ભાડું જતુ કરી મહિલાને ફસાવ્યા બાદ યુવકે ગુજાર્યું દુષ્કર્મ
અધિકારીઓએ જણાવ્યું છે કે પ્રવેશ પ્રક્રિયા સંબંધિત તમામ માહિતી, જેમ કે જરૂરી દસ્તાવેજો, આધાર-પુરાવા, પાત્રતા અને અરજી પ્રક્રિયા અંગેની વિગત વેબસાઈટ પર ઉપલબ્ધ કરાવવામાં આવી છે. વાલીઓને સમયસર જરૂરી દસ્તાવેજો એકત્રિત કરી સમયમર્યાદામાં ઓનલાઈન અરજી પૂર્ણ કરવાની અપીલ કરવામાં આવી છે.
વાલીઓએ અરજી વખતે આ ડોક્યુમેન્ટ અપલોડ કરવા
વાલીઓએ ઓનલાઈન અરજી કરતી વખતે બાળક સંબંધિત આ આધાર પુરાવા જેમ કે,જન્મ તારીખનો દાખલો,રહેઠાણનો પુરાવો,
જાતિ કેટેગરીનો દાખલો,સક્ષમ અધિકારીનો આવકનો દાખલો, ઈન્કમટેક્સ રિટર્નઅથવા ઈન્કમટેક્સ રિટર્ન ન ભર્યું હોય તો આવકવેરા પાત્ર આવક ન હોવાનો સેલ્ફ ડિક્લેરેશન (જ્યાં લાગુ પડે ત્યાં) વાલીઓએ ઓનલાઈન ભરેલા ફોર્મની પ્રિન્ટ પોતાના રેકોર્ડ માટે સાચવી રાખવાની રહેશે. આ ફોર્મ ક્યાંય પણ ઑફલાઇન જમા કરાવવાનું નહીં હોય, તે બાબત પણ સ્પષ્ટ કરવામાં આવી છે.
