ધો.10 માં પાસ થયેલ સગીરાને ગિફ્ટ આપવાના બહાને યુવકે કર્યા શારીરિક અડપલા
મહિલા સુરક્ષાના દાવા વચ્ચે જામનગર જિલ્લાના ધ્રોલમાં સગીરાની છેડતીની ઘટના સામે આવી છે જેમાં જેમાં સગીરાને ગીફ્ટ આપવાના બહાને યુવકે ઘરમાં પ્રવેશીને શારીરિક અડપલા કર્યા હતા. ત્યારે સગીરાની છેડતી મામલે ધ્રોલ પોલીસ મથકે ફરિયાદ નોંધાઇ છે અને પોલીસે ફરિયાદના આધારે છ શખ્સો સામે ગુનો નોંધીને વધુ તપાસ હાથ ધરી છે.
મળતી વિગતો અનુસાર આ ઘટના જામનગર જીલ્લાના ધ્રોલમાં ધ્રોલમાં ફૂલવાડી વિસ્તારમાં સગીરાને અડપલાં અને છેડતી કરાયાની ફરિયાદ નોંધાઇ છે. તાજેતરમાં જ સગીરાનું ધો.10નું બોર્ડનું રિઝલ્ટ આવતા આરોપી સગીરાને તેને ગિફ્ટ આપવા માટે ગયો હતો. આ દરમિયાન આરોપી સગીરાના ઘરનો દરવાજો ખટખટાવતા હતો અને સગીરાએ દરવાજો ખોલ્યો હતો. આથી આરોપીએ સગીરાનો હાથ પકડી અને શરીરના અન્ય ભાગે સ્પર્શ કરી છેડતી કરી અને પોતાની સાથે આવવા માટે બળજબરી કરી હતી.
સગીરાએ સાથે જવાની ના પાડતા મામલો બિચકાયો હતો અને બંને પરિવારજનો વચ્ચે માથાકૂટ થઇ હતી. પોલીસે સગીરાની માતાની ફરિયાદના આધારે છ શખ્સો સામે ગુનો નોંધી તપાસના ચક્રો ગતિમાન કર્યા હતા. ત્યારે આ મામલે પોલીસે પોક્સો એકત હેઠળ ગુન્હો દાખલ કર્યો છે. આ મામલે PSI ધ્રોલ દ્વારા વધુ તપાસ હાથ ધરવામાં આવી છે તેમજ આરોપીના સગા ભાઈને પોલીસ કસ્ટડીમાં રાખવામાં આવ્યો છે.
