૧૪ ટેબલ પર 3-3 કર્મચારી કરશે મત ગણતરી

રાજકોટ તાલુકા પંચાયત અને જિલ્લા પંચાયતની છ બેઠકની મત ગણતરી ગવર્મેન્ટ પોલિટેકનિક ખાતે થશે સવારે સાત વાગ્યાથી સાંજના છ વાગ્યા સુધી મતદાન પ્રક્રિયા ચાલશે

રાજ્યમાં સ્થાનિક સ્વરાજ્યની ચૂંટણીની તૈયારીઓ ચાલી રહી છે એક તરફ ઉમેદવારો પ્રચાર ઝુંબેશ માં લાગી ગયા છે તો બીજી બાજુ હવે મતદાન અને મત ગણતરી પ્રક્રિયાને આખેઆપ આપી રહ્યું છે જેમાં અગાઉ રાજકોટ મનપાની છ સ્થળે મત ગણતરી થશે તેવી જાહેરાત કર્યા બાદ હવે રાજકોટ તાલુકા પંચાયત અને જિલ્લા પંચાયતની છ બેઠકની મત ગણતરી પણ રાજકોટમાં ભાવનગર રોડ પર આવેલ ગવર્મેન્ટ પોલિટેકનિક કોલેજ ખાતે રાખવામાં આવી છે
ગુજરાત રાજ્ય ચૂંટણી પંચે જાહેર કરેલા કાર્યક્રમ મુજબ, રાજકોટ મહાનગરપાલિકા સહિતની સ્થાનિક સંસ્થાઓનું મતદાન ૨૬ એપ્રિલ ૨૦૨૬ના રોજ સવારે ૭ વાગ્યાથી સાંજે ૬ વાગ્યા સુધી ઈવીએમ મશીનો દ્વારા યોજાશે, જ્યારે મતગણતરી ૨૮ એપ્રિલ ૨૦૨૬ના રોજ થશે.ત્યારે રાજ્યચુંટણી પંચના આદેશ બાદ રાજકોટ મહાનગરપાલિકાના ૧૮ વોર્ડના આરઓ-એઆરઓ દ્વારા ચૂંટણી ચિત્ર સ્પષ્ટ થતા મતગણતરી અંગેની તૈયારીનો ધમધમાટ શરૂ થશે.
સૂત્રોના જણાવ્યા મુજબ, મતગણતરી માટે એક હોલ વધુમાં વધુ ૧૪ ટેબલ રાખવાની સૂચના આપવામાં આવી છે તેમજ દરેક ટેબલ પર ત્રણ કર્મીઓનો સ્ટાફ તૈનાત રહેશે. દરેક જગ્યાએ જાળી વાળા બેરીકેટ તૈયાર કરવામાં આવશે અને જેને લઇ આરઓ-એઆરઓ દ્વારા કાર્યવાહી હાથ ધરવામાં આવશે. આજે સાંજે ચૂંટણી ચિત્ર સ્પષ્ટ થયા બાદ કાલે મતગણતરી માટેના ઓર્ડરો કાઢવામાં આવશે. આ સિવાય રાજકોટના તમામ છ મતગણતરી સ્થળોએ અલગથી સ્ટ્રોંગરૂમ તૈયાર કરવામાં આવશે.
મતદાન પછી ઈવીએમને સુરક્ષિત સ્ટ્રોંગ રૂમમાં રાખવામાં આવશે. મતગણતરી દિવસે વીડિયોગ્રાફી અને ઉમેદવારો/એજન્ટ્સની હાજરીમાં પ્રક્રિયા થશે.અને તે માટે પોલીસ અને સીઆરપીએફ જવાનોનો સ્ટાફ પણ તૈનાત રાખવામાં આવશે તે માટે કાલથી કાર્યવાહી શરૂ કરી દેવામાં આવશે.
રાજકોટ મ્યુ. કોર્પો.ની ૧૮ વોર્ડની ચૂંટણી માટે વોટીંગ મશીન (ઇવીએમ)ના ડીસ્પેચીંગથી લઇ મતગણતરી માટે છ સેન્ટરો નિયત કરી દેવામાં આવેલ છે. જેમાં વોર્ડ નં. ૧ થી ૩ની મતગણતરી પાંધી કોલેજ ખાતે યોજાશે. આ ત્રણેય વોર્ડના વોટીંગ મશીનની ડીસ્પેચીંગ અને રીસીવીંગની કામગીરી પાંધી કોલેજ ખાતે થશે.
આવી જ રીતે વોર્ડ નં. ૪ થી ૬ની મતગણતરી ચૌધરી હાઇસ્કૂલ ખાતે થશે. આ ત્રણ વોર્ડના વોટીંગ મશીનની ડીસ્પેચીંગ-રીસીવીંગની કામગીરી પણ ચૌધરી હાઇસ્કૂલ ખાતેથી થશે. જ્યારે વોર્ડ નં. ૭ થી ૯ની મત ગણતરી વિરાણી હાઇસ્કૂલ ખાતે થશે. આ ત્રણ વોર્ડના વોટીંગ મશીનના ડીસ્પેચીંગ રીસીવીંગ સેન્ટર પણ ચૌધરી હાઇસ્કૂલ રાખવામાં આવેલ છે.
વોર્ડ નં. ૧૦ થી ૧૨ની ટાગોર રોડ પર એવીપીટી, વોર્ડ નં.૧૩થી ૧૫ની જસાણી કોલેજ અને વોર્ડ નં. ૧૬ થી ૧૮ની મતગણતરી રણછોડદાસબાપુ કોમ્યુનીટી હોલ ભક્તિનગર સટેશન પ્લોટ રોડ ખાતે થશે. મત ગણતરી સેન્ટર જ જે તે વોર્ડના વોટીંગ મશીનનું ડીસ્પેચીંગ અને કલેક્શન સેન્ટર રહેશે.
૨૬મીએ મતદાન બાદ સોમવારે બપોરે તમામ મતગણતરીનો સ્ટાફ જેતે સ્થળે હાજર થઇ જશે અને ૨૮મીએ મંગળવારે સવારથી મતગણતરી ચાલુ થયા બાદ એક બાદ એક વોર્ડની ગણતરી હાથ ધરવામાં આવશે એટલે ૨૮મીએ સાંજે જ ચિત્ર સ્પષ્ટ થશે. આગામી ૨૬મીએ મતદાન બાદ રાજકોટ તાલુકા પંચાયતની ૨૨ અને જિલ્લા પંચાયતની છ બેઠકની મતગણતરી ૨૮મીએ સવારે ગર્વમેન્ટ પોલિટેકનીક, ભાવનગર રોડ ખાતે થશે તેમજ પડધરી, લોધીકા અને કોટડા સાંગાણીની છ બેઠકોની મતગણતરી પડધરીની સરકારી કોલેજ ખાતે થશે.