રાજકોટમાં મુસાફરોને નિશાન બનાવતી રિક્ષાચાલક પતિ, પત્ની, પિતાની ત્રિપુટીને ગાંધીગ્રામ પોલીસે પકડી પાડી છે. રિક્ષામાં દંપતી અગાઉથી જ પેસેન્જરના સ્વાંગમાં બેઠું રહે. કોઈ મુસાફર રિક્ષામાં બેસે એટલે તેને વાતોએ ચડાવી, ધ્યાન ચૂક કરાવી કે ધક્કામુક્કી કરીને પર્સ કે આવી વસ્તુ સેરવી લેતા હતા. પોલીસે રિક્ષા રોકડ મળી ૬૫૦૦૦નો મુદ્દામાલ કબજે લીધો છે.
ગાંધીગ્રામ વિસ્તારમાં રિક્ષામાં એક પિત્ઝાના મેનેજરને પેસેન્જર તરીકે કે.કે.વી. ચોકથી બેસાડી ઉલ્ટીના ઉબકાના બ્હાના કરી ૧૬૦૦૦ની રોકડ ભરેલુ પર્સ સેરવી લીધાની ઘટનાને લઈને ગાંધીગ્રામ પોલીસે સીસીટીવી કેમેરો, આઈ-વે પ્રોજેક્ટના કેમેરા ચેક કરતા મુસાફરના સ્વાંગમાં ફરતા રિક્ષાચાલક ત્રિપુટીની ઓળખ મળી હતી. પીઆઈ એસ.આર. મેઘાણીની રાહબરી હેઠળ રૈયાધાર રાધેશ્યામ ગૌશાળા પાસે રહેતા દંપતી કિશન દિનેશ કુવરિયા (ઉ.વ.૩૫), કિશનની પત્ની કાંતા (ઉ.વ.૩૨) તથા કિશનના પિતા દિનેશ હીરા કુંવરિયા (ઉ.વ.૬૦)ની ધરપકડ કરી હતી. ૧૫૦૦૦ની રોકડ તેમજ મુસાફરોને શિકાર બનાવવામાં ઉપયોગમાં લેવાતી જી.જે.૦૩-બી.ટી.૩૧૪૦ નંબરની ઓટોરિક્ષા કબજે કરી હતી. આરોપી કિશન મારામારી, પીવા સહિતના ગુનામાં પોલીસ ચોપડે ચડી ચૂક્યો છે.
દંપતી રિક્ષામાં મુસાફરના સ્વાંગમાં બેસે, કોઇ પેસેન્જર ચડે એટલે નજર ચૂકવી પાકિટ, વસ્તુ સેરવી લેતા
