ખંભાત નગરપાલિકાનો ફાયર ઓફિસર 40 હજારની લાંચ લેતા ઝડપાયો

ફાયર સેફટી એન.ઓ.સી. આપવા માટે લાંચ માંગી હતી

આણંદ એસીબીએ ખંભાત નગરપાલિકના ફાયર ઓફિસર નાઝિમ ઝાફર આગાને ફાયર સેફટી એન.ઓ.સી. મેળવવા માટે રૂ.40 હજારની લાંચ લેતા રંગેહાથ ઝડપી લેવામાં આવ્યા છે. ફરિયાદીના મિત્ર ફાયર સેફટીના સાધનો વેચવાનું તથા ફીટીંગ કરવાનો વ્યવસાય કરતા હોય જેમણે ખંભાતમાં આવેલી તૈયબીયાહ એપાર્ટમેન્ટ ખાતે ફાયર સેફટીના સાધનો લગાડવાનું કામ રાખી પુર્ણ કર્યું હતું. તેનુ સરકારી ધારા ધોરણ મુજબ ફાયર સેફટી એન.ઓ.સી. મેળવવા ખંભાત નગરપાલીકામાં ફાયર સેફટી કચેરીમાં અરજી કરી હતી. જે અંગેની એન.ઓ.સી. આપવા માટે ફાયર ઓફિસર નાઝીમ ઝાફર આગાએ રૂ. 45 હજારની લાંચ માંગી હતી.

જે રકઝકના અંતે રૂ. 40 હજાર રૂપિયા આપવાના નકકી થયા હતા, પરંતુ ફરિયાદી તથા તેમના મિત્ર આ લાંચની રકમ આપવા માંગતા ન હતા. જેથી તેઓએ એ.સી.બી.નો સંપર્ક કરતા લાંચનું છટકુ ગોઠવાયું હતું અને ફાયર ઓફિસર નાઝીમ ઝાફર આગા રૂ. 40 હજારની લાંચ લેતા રંગેહાથ ઝડપાઈ ગયો હતો.