આજે સાંજે શેરબજારમાં મુહુર્તના સોદા
દિવાળીના તહેવાર સંદર્ભે મુંબઈ શેર બજારમાં તા. ૧ને શુક્રવારે સાંજે ખાસ સત્રમાં મુહૂર્તના સોદા થશે. આ ટ્રેડીંગ સેશન સાંજે ૬ વાગ્યે શરુ થશે અને ૭-૧૫ વાગ્યે પૂરું થશે. સામાન્ય રીતે મુહૂર્તના સોદા પોઝીટીવ થતા હોય છે પરંતુ હમણાં હમણાં શેરબજારની માઠી બેઠી છે અને વિદેશી ફંડોની સતત વેંચવાલીથી રોજેરોજ ગાબડા પડી રહ્યા છે ત્યારે વિક્રમ સંવતનાં નવા વર્ષની શરૂઆત કેવી રહે છે તેના ઉપર રોકાણકારોની નજર છે.
