યુવા મતદારોને જાગૃત કરશે સચિન તેંડુલકર

ચૂંટણી પંચે બનાવ્યા નેશનલ આઈકન

સચિન તેંડુલકર આમ તો પોતાની ઓળખના મોહતાજ નથી જે વાતને ધ્યાનમાં રાખી ભારતના ચૂંટણી પંચે પણ સચિન સાથે જોડાણ કર્યું છે. ઈલેક્શન કમીશન ઑફ ઈન્ડિયાએ સચિન તેંડુલકરને પોતાના નેશનલ આઈકન બનાવ્યા છે. સચિનની જે પ્રકારની ઈમેજ રહી છે તેને જોતાં તેનાથી બીજો વિકલ્પ બીજો કોઈ ન્હોતો. હવે સચિન દેશભરમાં ચૂંટણી પંચનો ચહેરો બનશે. માત્ર ભારત જ નહીં બલ્કે વર્લ્ડ ક્રિકેટમાં પણ સચિનની છબી એક સાફસુથરી રહી છે અને તે બેદાગ ક્રિકેટર રહ્યા છે. સચિન તેંડુલકર સોશ્યલ મીડિયા પર ઘણા એક્ટિવ રહે છે અને અહીં તેમના ઘણા ફોલોઅર્સ છે. આ જ કારણ છે કે ચૂંટણી પંચે તેમને પોતાના નેશનલ આઈકન બનાવ્યા છે. સચિન ખેલાડીઓને વારંવાર પ્રોત્સાહન કરે છે પછી તે ક્રિકેટર હોય કે પછી ચેસ ખેલાડી હોય તે તમામ માટે પ્રોત્સાહિત બની રહે છે.